હાલ વાયરલ થયેલ વિડીયો મુંબઈના કુર્લા રેલવે સ્ટેશનના પ્લેટફોર્મ પર ઓટોરિક્ષા ચલાવતા એક વ્યક્તિનો છે.
રેલવે સ્ટેશનના પ્લેટફોર્મ પર ઓટોરિક્ષા ચલાવતો વિડીયો વાયરલ
500 રૂપિયાનો દંડ ફટરવામાં આવ્યો
એક દિવસ પ્લેટફોર્મ પર પાર્કિંગ શરૂ કરી દેશે
હાલ દરરોજ સોશ્યલ મીડિયા પર વિવિધ પ્રકારના વીડિયો વાયરલ થતા રહે છે. અમુક વિડીયો તમને હસાવે છે તો અમુક વિડીયો તમને વિચારવા પર મજબૂર કરી દે છે. એવામાં આવો જ વધુ એક વીડિયો સામે આવ્યો છે. હાલ વાયરલ થયેલ વિડીયો મુંબઈના કુર્લા રેલવે સ્ટેશનના પ્લેટફોર્મ પર ઓટોરિક્ષા ચલાવતા એક વ્યક્તિનો છે.
વાયરલ થયો વિડીયો
આ વાયરલ ક્લિપમાં જોઈ શકાય છે કે ઓટોરિક્ષા ચાલક તેની રિક્ષા રેલવે પ્લેટફોર્મ પર ભગાડી રહ્યો હતો. એ પછી એક વ્યક્તિએ તેને આ કામ કરતાં રોક્યો હતો અને આવા કામ કરવા માટે ઠપકો આપ્યો હતો. તે પછી એ ઓટોરિક્ષા ચાલક તેની રિક્ષાનો રસ્તો બદલી નાખ્યો હતો. હાલ આ વિડીયો સોશ્યલ મીડિયા પર ખૂબ જ વાયરલ થઈ રહ્યો છે અને લોકો આ વિડીયો પર એમની અલગ અલગ પ્રતિક્રિયા આપી રહ્યા છે.
500 રૂપિયાનો દંડ ફટરવામાં આવ્યો
જ્યારે આ વિડીયો વાયરલ થયો ત્યારે રેલ્વે પોલીસ એ આ વિશે માહિતી આપી કે ઓટોરિક્ષા ચાલકને કોર્ટમાં રજૂ કરવામાં આવ્યો હતો અને તેને રેલ્વે એક્ટની કલમ 159 હેઠળ 500 રૂપિયાનો દંડ ફટકારવામાં આવ્યો હતો. એક સમાચાર એજન્સી અનુસાર મુંબઈના આ ઓટોરિક્ષા ચાલકને કુર્લા રેલવે સ્ટેશનના પ્લેટફોર્મ પર ઓટો ચલાવવા બદલ પકડવામાં આવ્યો હતો અને એ પછી કોર્ટમાં રજૂ કર્યો હતો. જણાવી દઈએ કે 'મુંબઈ રેલ્વે પોલીસ'ના સત્તાવાર ટ્વિટર હેન્ડલે 16 ઓક્ટોબરના રોજ આ વિશે ટ્વિટ કર્યું હતું.
When trains are late, we will get auto service directly on railway platforms.. Kurla station..
એક દિવસ પ્લેટફોર્મ પર પાર્કિંગ શરૂ કરી દેશે
આ વીડિયો સોશિયલ મીડિયાના અલગ-અલગ પ્લેટફોર્મ પર શેર કરવામાં આવી રહ્યો છે. જ્યાં યુઝર્સ અલગ અલગ કોમેન્ટ કરી રહ્યા છે. એક યુઝરે કહ્યું કે જ્યારે ટ્રેનો મોડી દોડશેત્યારે સીધા રેલવે પ્લેટફોર્મ પર જ ઓટો સેવા મળશે.. બીજા યુઝરે લખ્યું કે એક દિવસ પ્લેટફોર્મ પર ઓટોરિક્ષા પાર્કિંગ શરૂ કરશે, તો ત્રીજા એ લખ્યું કે આવી પ્પરીસ્થિતિમાં પેસેન્જર ઓટોવાળાને કહેશે - ભાઈ, ટ્રેન આવી નથી, શું તમે દાદર સુધી ચાલશો?