ગરમીનો પ્રકોપ વધી રહ્યો છે. આવી ગરમીમાં પાર્ક કરવામાં આવેલી કાર અંદરથી ઘણી ગરમ થઇ જાય છે. ગરમીમાં કારચાલકો માટે આ એક સામાન્ય સમસ્યા છે. અહીં આપેલ કેટલીક ટિપ્સનો ઉપયોગ કરી તમે તમારી કારને કૂલ રાખી શકો છો.
બને ત્યાં સુધી એવા પ્રયાસ કરવો કે કારને તડકામાં પાર્ક ન કરવી પડે. જો ખુલ્લામાં અથવા તડકામાં કાર પાર્ક કરી રહ્યા છો તો કારની અંદર ગરમીથી બચવા માટે વિન્ડોને થોડી ખુલ્લી છોડી દો.
આ એક પ્રકારનું કવર હોય છે, જે કારની વિન્ડો પર ચઢાવવામાં આવે છે. ટેક્નિકલી આ પ્રોસેસને વિન્ડો ટિટિંગ કહેવામાં આવે છે. જો તમારી કારમાં આ ટિટિંગ છે, તો બહારની તેજ ગરમી તમારી કારની અંદર નહીં જઇ શકે.
મોટાભાગે લોકો કારમાં બેસતા જ ઠંડક મેળવવા માટે વિન્ડો ખોલી દેતા હોય છે. કારની અંદર હિટીંગથી બચવા માટે જરૂરી છે કે પહેલા ફેનની સ્પીડ ફૂલ કરી દેવામાં આવે અને અપર વેન્ટસ (ઉપર સરકતી નાની વિન્ડો) બંધ કરી દેવામાં આવે. જ્યારે હવાનું હલ્કું દબાણ અંદર બને ત્યારે તમારા વેન્ટ ખોલી દો. તેના કારણે તમારી કાર જલ્દી ઠંડી થઇ જશે.
કાર પર કવર ત્યારે જરૂરી થાય છે, જ્યારે તમારી કાર હમેંશા ખુલ્લામાં જ પાર્ક થતી હોય. કારને એક સારા કવરથી ઢાંકે. જેથી ખુલ્લામાં કાર પાર્ક થવા છતા કાર અંદરથી ગરમ ન થઇ શકે. તેનાથી કારનો કલર પણ સુરક્ષિત રહેશે.