ઓટો ન્યૂઝ / ભારતમાં ટેસ્લાની ઈલેક્ટ્રિક કારની એન્ટ્રી, સૌથી પહેલા લોન્ચ થઈ શકે આ મોડેલ, જાણો ખાસિયત

ટેસ્લા ઘણા સમયથી ભારતમાં પોતાની ઇલેક્ટ્રિક કાર લોન્ચ કરવાની તૈયારી કરી રહ્યું છે. તેના કેટલાક વાહનો દેશના રસ્તાઓ પર પહેલાથી જ જોવા મળી ચૂક્યા છે, જો કે આ વખતે મોડેલ 3 અને મોડેલ Y કોઈપણ કવર વગર પાર્કિંગમાં જોવા મળ્યા છે. ભારતમાં કુલ 4 ટેસ્લા કાર જોવા મળી છે. તેમાંથી એક ટેસ્લા મોડેલ વાય ફેસલિફ્ટ હતી, જેને જ્યુનિપર તરીકે પણ ઓળખવામાં આવે છે.

ટેસ્લા ભારતમાં શોરૂમ અને મેન્યુફેક્ચરિંગ યુનિટ માટે જગ્યા શોધી રહી છે. આ અમેરિકન કંપનીએ ભારતમાં મોડેલ 3 અને મોડેલ Y વેરિઅન્ટ્સના હોમોલોગેશન માટે એટલે કે ભારતીય રસ્તાઓ અનુસાર કારમાં ફેરફાર કરવા માટે અરજીઓ પણ સબમિટ કરી છે. પહેલી ડીલરશીપનું ઉદ્ઘાટન મુંબઈમાં થવાની અપેક્ષા છે.

• ટેસ્લા આ કાર ભારતમાં કરી શકે છે લોન્ચ

ટેસ્લા ભારતીય બજારમાં સૌથી પહેલા મોડેલ Y લોન્ચ કરી શકે છે. તેનું કારણ એ છે કે SUV હાલમાં સમગ્ર વિશ્વમાં સૌથી વધુ પસંદગીની બોડી સ્ટાઇલ છે. મોડેલ Yને વધુ સારું ગ્રાઉન્ડ ક્લિયરન્સ પણ મળે છે, જે દેશના રસ્તાની સ્થિતિને ધ્યાનમાં રાખીને ભારતીય માર્કેટ માટે ડિઝાઇન કરાયેલા વાહનોની એક મોટી ખૂબી છે. ટેસ્લા મોડેલ 3 લોન્ચ નહીં કરે કારણ કે તેનું ગ્રાઉન્ડ ક્લિયરન્સ ઓછું છે, જેના કારણે તેને ઘણી મુશ્કેલીઓનો સામનો કરવો પડ્યો છે.

• જાણો કારની ખાસિયતો
  ગ્લોબલ માર્કેટમાં મોડેલ Y ફક્ત એક જ કોન્ફીગરેશન ઉપલબ્ધ છે. આ કાર ઓલ-વ્હીલ ડ્રાઇવ સિસ્ટમ અને લોંગ રેન્જ બેટરી પેકથી સજ્જ છે. તેની મેક્સિમમ રેન્જ 526 કિલોમીટર હોવાનું કહેવાય છે. આ સિવાય આ કાર 200 કિલોમીટર પ્રતિ કલાકની ઝડપે દોડી શકે છે. આ કાર માત્ર 4.6 સેકન્ડમાં 0 થી 96 કિલોમીટર પ્રતિ કલાકની ઝડપ પકડી શકે છે.

વધુ વાંચો : એલન મસ્કે ટ્રમ્પની માફી માંગતા જ તેની નેટવર્થમાં આવ્યો જોરદાર ઉછાળો, સંપત્તિ થઈ 16,34,99,62,900

• ઇલેક્ટ્રિક કારના ફીચર્સ
  આ ટેસ્લા કારમાં હીટિંગ અને વેન્ટિલેશન સાથે પાવર-એડજસ્ટેબલ સીટો, 15 સ્પીકર્સ અને સબવૂફર સાથે સાઉન્ડ સિસ્ટમ, હેન્ડ્સ-ફ્રી ટ્રંક તથા આઠ કેમેરાનો સમાવેશ થાય છે. તેમાં ઓટોમેટિક ઇમરજન્સી બ્રેકિંગ, ફોરવર્ડ કોલિઝન વોર્નિંગ, બ્લાઇન્ડ-સ્પોટ કોલિઝન વોર્નિંગ અને લેન ડિપાર્ચર એવોઇડન્સ જેવી એક્ટિવ સુરક્ષા ટેકનોલોજી પણ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ