દેશના ઓટો સેક્ટરમાં છેલ્લા ઘણા સમયથી સુસ્તીનો દોર જોવા મળી રહ્યો છે. છેલ્લા 8 માસથી સતત દેશના ડોમેસ્ટિક પેસેન્જર કારના વેચાણમાં ઘટાડાનું વલણ જોવા મળી રહ્યું છે. આંકડાઓ અનુસાર, જૂન 2018માં 2,73,748 ડોમેસ્ટિક પેસેન્જર કારનું વેચાણ થયું છે.
જ્યારે જૂન 2019માં આ આંકડો ઘટીને 2,25,732 સુધી પહોંચી ગયો છે. આ પ્રમાણે ગત વર્ષથી ઓટો સેક્ટરમાં 17.54 ટકાનો ભારે ઘટાડો થયો છે. સૌથી મહત્વપૂર્ણ બાબત છે કે ગત 12 મહીનામાંથી 11 મહીનામાં ઓટો સેક્ટરમાં મંદી જોવા મળી રહી છે. માત્ર ઓક્ટોબર 2018માં આ સેક્ટરમાં થોડો ગ્રોથ જોવા મળ્યો હતો.
સોસાઇટી ઓફ ઇન્ડિયન ઓટોમોબાઇલ મેન્યૂફેક્ચર્સ (SIAM)ના આંકડાઓ અનુસાર, ગત જૂન માસમાં કારોનું વેચાણ 24.97 ટકા ઘટી ગયું છે. જ્યારે ટૂ -વ્હિલર્સ વાહનોનું વેચાણ 11.69 ટકાનો ઘટી ગયું છે. કોમર્શિયલ વ્હિકલના વેચાણમાં 12.34 ટકા અને થ્રી વ્હીલરના વેચાણમાં 8.8 ટકાનો ઘટાડો જોવા મળ્યો છે. કુલ વ્હીકલના વેચાણની વાત કરીએ તો તે 22,79,186 યૂનિટથી ઘટીને 19,97,952 યૂનિટ પર આવી ગયું છે. વર્તમાન નાણાકીય વર્ષના પહેલા ક્વાર્ટરમાં તો ઓટો સેક્ટરમાં ભારે ઘટાડો આવ્યો છે. અને તે 18.42 ટકા ઘટ્યો છે. ગત 18 વર્ષમાં તે સૌથી ખરાબ રહ્યો છે.
ઓટો સેક્ટરમાં ઘટાડાનું વલણ ગત વર્ષના જૂલાઇથી શરૂ થયો હતો. જે આવનારા દિવસોમાં ઘણો વધતો રહ્યો છે. તેના પાછળના કારણોમાં IL &FS સંકટ અને ક્રેડિટમાં આવેલો ઘટાડો માનવમાં આવી રહ્યો છે.