ગુનાખોરી / શટલ રિક્ષામાં બેસતા પહેલાં ચેતજો, મુસાફરના સ્વાંગમાં મહિલા સાથે જે થયું તે ચોંકાવનારું

• થેલામાંથી દાગીના ગાયબ થયા
• પહેલાંથી જ ‌રિક્ષામાં ચાર પેસેન્જર બેઠેલા હતા
• થેલામાંથી રૂ. ૨.૮૫ લાખના દાગીના સેરવી લઇ ફરાર થઇ જતાં ચકચાર

અમદાવાદમાં હવે શટલ ‌રિક્ષામાં બેસવું હવે દિવસે ને દિવસે ખતરનાક બનતું જાય છે. પેસેન્જરના સ્વાંગમાં બેઠેલા ગ‌ઠિયા પેસેન્જરની નજર ચૂકવી ચોરી કરે છે અને ક્યારેક તેમને લૂંટી પણ લેતા હોય છે. આવો જ એક કિસ્સો રામોલ વિસ્તારમાં બન્યો છે. ‌રિક્ષાચાલાક અને મુસાફરના સ્વાંગમાં બેઠેલા તેના સાગરીતો મહિલાની નજર ચૂકવી થેલામાંથી રૂ. ૨.૮૫ લાખના દાગીના સેરવી લઇ ફરાર થઇ જતાં ચકચાર મચી ગઈ છે.

પહેલાંથી જ ‌રિક્ષામાં ચાર પેસેન્જર બેઠેલા હતા

ખોખરાના ધીરજ હાઉસિંગમાં રહેતાં શિલ્પાબહેન દેસાઈએ રામોલ પોલીસ સ્ટેશનમાં ચોરીની ફરિયાદ કરી છે. શિલ્પાબહેન બપોરના સમયે એસ્ક્પ્રેસ હાઇવે સામે  ઘરે જવા ‌રિક્ષાની રાહ જોઈ રહ્યાં હતાં તે દરમિયાન એક ‌રિક્ષા તેમની પાસે આવી હતી. જેમાં શિલ્પાબહેન બેસી ગયાં હતાં. જોકે પહેલાંથી જ ‌રિક્ષામાં ચાર પેસેન્જર બેઠેલા હતા. શિલ્પાબહેને તેમનો એક થેલો પગની બાજુમાં મૂક્યો હતો.

થેલામાંથી દાગીના ગાયબ થયા

આ દરમિયાન રિક્ષામાં અગાઉથી જ બેઠેલા ચાર પેસેન્જરોએ શિલ્પાબહેનની નજર ચૂકવી તેમના થેલામાંથી દાગીના સેરવી લીધા હતા, જેમાં રહેલા સોનાના દાગીના સહિત રૂ. ૨.૮૫ લાખની મતાની ચોરી કરી હતી.  રિક્ષાચાલકે શિલ્પાબહેનને ઊતારતાં રિક્ષા ત્યાંથી જતી રહી હતી. શિલ્પાબહેને તેમના થેલાની ચેઇન ખુલ્લી જોતાં તેમને શક પડતાં તેમણે થેલાે ચેક કર્યો તો તેમાં રહેલા દાગીના ગાયબ હતા. આથી શિલ્પાબહેને તાત્કા‌િલક પોલીસ કંટ્રોલમાં ફોન કરી અજાણ્યા ‌રિક્ષાચાલક અને તેમાં બેઠેલા પેસેન્જર વિરુદ્ધ ચોરીની ફરિયાદ કરી છે.