ઓટો ટિપ્સ / રસ્તા પર કાર બંધ પડી જાય તો ચિંતા ન કરતા, આ રીતે મફતમાં સર્વિસ સેન્ટર સુધી પહોંચાડો

આજકાલ લોકોને હવે તમામ સુવિધાઓ સરળતાથી મળી રહી છે. માર્કેટમાં દરેક વસ્તુમાં કોમ્પિટિશન વધી રહી છે. જેના પગલે લોકોને હવે પહેલા કરતા વધારે ફાયદા મળી રહ્યા છે. તમારી સાથે ક્યારેક એવું બન્યું હશે કે તમે તમારી કારમાં જઈ રહ્યા છો અને અચાનક તમારી કાર ખરાબ થઈ જાય છે. જ્યારે તમારું વાહન એવી જગ્યાએ ખરાબ થઈ જાય છે જ્યાં નજીકમાં કોઈ મિકેનિક ન હોય કે ગેરેજ ન ત્યારે તમારું ટેન્શન વધુ વધી જાય છે. પણ હવે તમારે ચિંતા કરવાની જરૂર નથી. આજે અમે તમને એવી ટિપ્સ જણાવવા જઈ રહ્યા છીએ કે જેના દ્વારા તમે તમારી કારને મફતમાં સર્વિસ સેન્ટર લઈ જઈ શકશો.

નવા અને જૂના વાહનો માટે વિકલ્પ છે

જ્યારે તમે કાર ખરીદો છો, ત્યારે કંપની તમારી સુવિધા માટે રોડ સાઇડ આસિસ્ટન્સ સુવિધા પૂરી પાડે છે. પરંતુ જો તમારી પાસે જૂની કાર હોય તો પણ તમારે ચિંતા કરવાની જરૂર નથી. જૂની કાર વીમો ખરીદતી વખતે ગ્રાહકો તેમાં RSA પણ ઉમેરી શકે છે.

રોડ સાઇડ આસિસ્ટન્સના ફાયદા

આ સુવિધા તમને ઈમરજન્સીમાં કામ આવી શકે છે. ખૂબ જ ઓછી કિંમતે ઉપલબ્ધ આ એડ-ઓન તમારા મુશ્કેલીના સમયમાં ખૂબ ઉપયોગી થઈ શકે છે. રોડ સાઇડ આસિસ્ટન્સની સુવિધા મેળવ્યા પછી જો તમારું વાહન ક્યાંય પણ કામ કરવાનું બંધ કરી દે, તો ટોઇંગ ક્રેન પોતે તેને સર્વિસ સેન્ટર પર લઈ જવા માટે ત્યાં પહોંચશે અને તમારા વાહનને કોઈપણ ચાર્જ વિના સર્વિસ સેન્ટર પર લઈ જશે. આ તમારા માટે ખૂબ ફાયદાકારક સાબિત થઈ શકે છે.

વધુ વાંચો : ગરમીની સિઝનમાં અપનાવો આ કાર ટિપ્સ, નહીં આવે દુર્ગંધ

ધારો કે તમે તમારા વીમામાં રોડ સાઇડ આસિસ્ટન્સ ઉમેર્યું નથી અને તમારી કાર શહેરથી દૂર બગડી જાય છે, તો તમારે અને તમારા પરિવારે જાતે જ કાર ગેરેજ સુધી લઈ જવી પડે છે. આ કરવું ખૂબ જ મુશ્કેલ કાર્ય છે. તેથી તમે કોઈપણ સમયે તમારા વીમામાં રોડ સાઇડ સહાય એડ શકો છો. આ નાની રકમ તમને અને તમારા પરિવારને મોટી સમસ્યાઓથી બચાવી શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ