IPLIN
 

ભલે પધાર્યાં / ઓસ્ટ્રેલિયાના PM એન્થોની અલ્બેનિઝનું અમદાવાદમાં આગમન, સાબરમતી આશ્રમમાં બાપુને આપી શ્રદ્ધાંજલિ

Team VTV 04:44 PM, 08 Mar 23 | Updated: 06:34 PM, 08 Mar 23
Follow us
Australian Prime Minister Anthony Albanese arrives in Ahmedabad

ઓસ્ટ્રેલિયાના PM એન્થોની અલ્બેનિઝનું અમદાવાદમાં આગમન થયું છે. સાંજે 4.30ની આસપાસ એરપોર્ટ પર તેમનું સ્પેશિયલ વિમાન લેન્ડ થયું હતું.

  • ઓસ્ટ્રેલિયાના પીએમ આવી પહોંચ્યાં અમદાવાદ
  • એન્થોની અલ્બેનિઝનું અમદાવાદમાં આગમન
  • ભૂપેન્દ્ર પટેલ, દેવવ્રત કોહલીએ કર્યું સ્વાગત 

ઓસ્ટ્રેલિયાના પીએમ એન્થોની અલ્બેનિઝનું અમદાવાદમાં આગમન થયું છે. સરદાર વલ્લભભાઈ પટેલ એરપોર્ટ પર સીએમ અને રાજ્યપાલે તેમનું સ્વાગત કર્યું હતું. 

સ્પેશિયલ વિમાનમાં અમદાવાદ આવી પહોંચ્યાં 
ઓસ્ટ્રેલિયાના પીએમ એન્થોની અલ્બેનિઝ તેમના સ્પેશિયલ વિમાનમાં અમદાવાદ આવી પહોંચ્યાં છે. એરપોર્ટ પર ઉતરતાં જ તેમના સ્વાગતમાં મુખ્યમંત્રી ભૂપેન્દ્ર પટેલ અને રાજ્યપાલ દેવવ્રત કોહલી ઊભા હતા. સીએમ પટેલે પુષ્પગૂચ્છ આપીને તેમનું સ્વાગત કર્યું હતું. 

સાંજના 5 વાગ્યે ગાંધી આશ્રમની મુલાકાતે
પીએમ એન્થોની અલ્બેનિઝ સાંજના 5 વાગ્યે ગાંધી આશ્રમની મુલાકાતે જશે ત્યાર બાદ બીજા ઘણા કાર્યક્રમોમાં હાજરી આપશે. 

આવતીકાલે મોદી સ્ટેડિયમમાં ટેસ્ટ મેચ 

9મી માર્ચે અમદાવાદના નરેન્દ્ર મોદી સ્ટેડિયમ ખાતે ભારત-ઓસ્ટ્રેલિયા વચ્ચે ટેસ્ટ મેચને લઈને અમદાવાદ શહેરના લોકોમાં ઉત્સાહ જોવા મળી રહ્યો છે. મેચને લઈને સ્ટેડિયમ બહાર બંને દેશના ટીશર્ટનું વેચાણ પણ થઈ રહ્યું છે. આ સાથે વિરાટ કોહલી, રોહિત શર્મા અને હાર્દિક પંડ્યાના ટીશર્ટનું પણ વેચાણ વધારે થઈ રહ્યું છે.

અમદાવાદ પોલીસે ખાસ બંદોબસ્તની તૈયારી કરી લીધી
તો બીજી તરફ PM મોદી અને ઓસ્ટ્રેલિયાના વડાપ્રધાન 9 માર્ચે મોદી સ્ટેડિયમમાં મેચ નિહાળશે. જેને લઇને અમદાવાદ પોલીસે ખાસ બંદોબસ્તની તૈયારી કરી લીધી છે. PM મોદી આજથી 2 દિવસ સુધી ગુજરાતની મુલાકાતે છે. આજે રાતે 9 વાગ્યે PM મોદી અમદાવાદ આવશે. PM મોદી રાજભવનમાં રાત્રીરોકાણ કરશે. ત્યાર બાદ આવતીકાલે સવારે 8 વાગ્યે રાજભવનથી જવા રવાના થશે. આવતીકાલે સવારે 8:30એ PM મોદી નમો સ્ટેડિયમ પહોંચશે. જ્યાં PM મોદી બોર્ડ ગાવસ્કર ટેસ્ટ મેચની શરૂઆત કરાવશે. અહીં તેઓ ઓસ્ટ્રેલિયાના PM સાથે ટેસ્ટ મેચ નિહાળશે. સવારે 10 વાગ્યે નમો સ્ટેડિયમથી મોદી રાજભવન જવા રવાના થશે. રાજભવન ખાતે ગુરૂવારે સવારે 10.30થી 2.30 વાગ્યાનો સમય રિઝર્વ રહેશે. ત્યાર બાદ આવતીકાલે સાંજના 5 વાગ્યે PM મોદી દિલ્હી જવા રવાના થશે.

ઓસ્ટ્રેલિયાના PM રાજભવનમાં ધૂળેટી રમશે
એન્થોની એલ્બેનીઝ સાબરમતી આશ્રમની મુલાકાત બાદ રાજભવનમાં ધૂળેટી રમશે. ત્યાર બાદ આવતીકાલે PM મોદી સાથે નરેન્દ્ર મોદી ક્રિકેટ સ્ટેડિયમમાં મેચ નિહાળશે.

Australian Prime Minister Anthony Albanese Ahmedabad visit Anthony Albanese arrives in Ahmedabad Anthony Albanese Ahmedabad visit Anthony Albanese Ahmedabad visit news
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ