VIDEO: નવા ઓસ્ટ્રેલિયન કેપ્ટને ગ્રાઉન્ડમાં શરૂ કરી અનોખી પરંપરા દિગ્ગજોએ પણ કરી પ્રશંસા

સાઉથ આફ્રિકા અને ઓસ્ટ્રેલિયા વચ્ચે રમાઈ રહેલી ટેસ્ટ સીરિઝની ચોથી મેચમાં ઓસ્ટ્રેલિયાઈ કેપ્ટન અને પ્લેયર્સએ ગ્રાઉન્ડ પર એક નવી પરંપરા શરૂ કરી. હકીકતમાં બંને ટીમના પ્લેયર્સે રાષ્ટ્રગીત બાદ એક બીજા સાથે હાથ મીલાવ્યો. તો ટોસના સમયે કેપ્ટન ફાફ ડુ પ્લેસિસે સ્મિથની જગ્યાએ કેપ્ટન બનેલા ટિમ પેન સાથે ઘણા સમય સુધી વાતો કરી. સામાન્ય રીતે ટોસ પહેલા કે બાદમાં કેપ્ટન એકબીજા સાથે વાતચીત કરતા જોવા મળતા નથી.

તો પ્લેયર્સને પણ મેચ ખતમ ખયા બાદ હાથ મિલાવે છે. પરંતુ અહીંયા મેચ શરૂ થતા પહેલા બંને ટીમના ખેલાડીઓએ એકબીજાને ‘ઓલ ધ બેસ્ટ’ પણ કહ્યું. ઓસ્ટ્રેલિયાઈ પ્લેયર્સ ઓના આ વ્યવહારે ક્રિકેટના દિગ્ગજો સાથે ફેન્સનું પણ દિલ જીતી લીધું છે.
 

Tim Paine on taking the Aussie men's team in a new direction starting with a shake of hands #SAvAUS pic.twitter.com/tu4WvPbwCx

— cricket.com.au (@CricketAus) March 30 2018

જણાવી દઈએ કે ત્રીજી ટેસ્ટમાં બોલ ટેમ્પરિંગના કારણે ચર્ચામાં આવેલા સ્ટીવ સ્મિથ અને ડેવિડ વોર્નર પર પ્રતિબંધ લગાવી દેવાયો હતો. જોકે ચોથી ટેસ્ટમાં પ્લેયર્સ ઓની આ ખેલદીલી જોઈને સૌ કોઈ તેમની પ્રશંસા કરી રહ્યું છે. આ મેચમાં સાઉથ આફ્રિકાના કેપ્ટન ફાફ ડુ પ્લેસિસે ટોસ જીતીને પહેલા બેટિંગનો નિર્ણય કર્યો હતો. માર્કરમે ડીન એલ્ગર સાથે મળીને પહેલી વિકેટ માટે 53 રન જોડ્યા હતા.

સાઉથ આફ્રિકાના ઓપનિંગ બેટ્સમેન એડિન માર્કરમે ટીમ માટે સૌથી વધારે 152 રન બનાવ્યા હતા. માર્કરમની સદીની મદદથી સાઉથ આફ્રિકાએ દિવસના અંત સુધીમાં 313 રન બનાવી લીધા. હાલમાં ટેમ્બા બાવુમા 25 અને ક્વિન્ટન ડી કોડ 7 રન બનાવીને રમી રહ્યો છે. માર્કરમે 216 બોલની પોતાની ઈનિંગમાં 17 ચોગ્ગા અને 1 છગ્ગો લગાવ્યો. તેની વિકેટ પેટ કમિન્સે લીધી. માર્કરમે ડિવિલિયર્સ સાથે મળીને ટીમને મજબૂત સ્થિતિમાં પહોંચાડી દીધી અને બંનેએ ત્રીજી વિકેટ માટે 105 રનની પાર્ટનરશીપ કરી.