પ્રશંસા / યોગી અમને આપી દો : UPમાં કરાયું એવું કામ કે ઑસ્ટ્રેલિયાના નેતા થયા આફરીન

• CM યોગીના નેતૃત્વમાં થયેલી કામગીરીની પ્રશંસા
• ઓસ્ટ્રેલીયાના સાંસદ ક્રેગ કૈલીએ વખાણ કર્યા
• મુખ્યમંત્રી થોડા સમય માટે ઉધાર લેવાની ઈચ્છા 

CM યોગીના નેતૃત્વમાં થયેલી કામગીરીની પ્રશંસા
દેશમાં કોરોનાની બીજી લહેરના કારણે ગંભીર સમસ્યાઓ સર્જાઇ હતી, પણ હાલ આ સ્થિતિમાં ઘણો સુધારો આવ્યો છે. વસ્તીના આધારે દેશના સૌથી મોટા રાજ્ય ઉત્તર પ્રદેશમાં બીજી લહેર દરમ્યાન રોજના 1 લાખથી વધુ કેસોનું અનુમાન લગાડવામાં આવ્યું હતું, પણ રાજ્ય સરકારની સારામાં સારી કામગીરી અને જાગૃતતાને કારણે આ આંકડો 50 હજાર સુધી જ સીમિત રહ્યો. CM યોગીના નેતૃત્વમાં કોરોનાની બીજી લહેરમાં પ્રશાસન દ્વારા જે પણ કામગીરી કરવામાં આવી તેની પ્રશંસા હવે ઇન્ટરનેશનલ લેવલ પર પણ થઈ રહી છે. હવે ઓસ્ટ્રેલીયાના સાંસદ ક્રેગ કૈલીએ પણ આ વિશે વખાણ કર્યા હતા. 

Great to see the outstanding leadership shown by Uttar Pradesh’s Chief Minster @myogiadityanath on Ivermectin & crushing the wave https://t.co/OLj1kY4wCU

— Craig Kelly MP (@CraigKellyMP) July 12, 2021

ઓસ્ટ્રેલીયાના સાંસદ ક્રેગ કૈલીએ વખાણ કર્યા
ક્રેગ કૈલીએ એક ટ્વિટ અને રિટ્વિટ દ્વારા UPના CM યોગી આદિત્યનાથના વખાણ કર્યા હતા. શું એવું થઈ શકે કે અમને ભારતના આ મુખ્યમંત્રી થોડા સમય માટે ઉધાર આપવામાં આવે જેથી ઓસ્ટ્રેલીયામાં આવી પડેલી આ મહામારીમાંથી રાહત મળી શકે. આજે બીજી એક ટ્વિટ રિટ્વિટ કરીને તેમણે લખ્યું કે ઉત્તરપ્રદેશના મુખ્યમંત્રી આદિત્યનાથ દ્વારા કરવામાં આવેલ ઉત્કૃષ્ટ નેતૃત્વ અને બીજી લહેરનો સામનો કરવાની રીત જોઈને ઘણું સારું લાગ્યું. 

It would be an honour to visit and learn more of how UP implemented Ivermectin & achieved such great success in crushing Covid.

However, because of the failures of our Australian governments to follow UP’s lead, we are locked up indefinitely & I’m unable to leave Sydney. https://t.co/FsGKyuFPpM

— Craig Kelly MP (@CraigKellyMP) July 12, 2021

મુખ્યમંત્રી થોડા સમય માટે ઉધાર લેવાની ઈચ્છા 
તમને જણાવી દઈએ કે કોરોનાની બીજી લહેરમાં CM યોગી પણ કોરોના સંક્રમણનો શિકાર બન્યા હતા, આ દરમ્યાન જ UPમાં સ્થિતિ બગડવા લાગી હતી. પણ કોરોનામાંથી સ્વસ્થ થયા બાદ તેમણે પોતે જાતે જ આખું મેનેજમેન્ટ એકદમ કડક કર્યું. તેમણે ગ્રાઉન્ડ ઝીરો પર શું થઈ રહ્યું છે તે જાણ્યું. તેમણે આખા રાજ્યના દરેક મંડળમાં જઈ સ્થિતિની સમીક્ષા કરી. માત્ર હોસ્પિટલમાં જ નહીં, પણ લોકોને ઘરે ઘરે જઈ મળ્યા.