BBLમાં મેલબર્ન સ્ટાર્સના ખેલાડી ગ્લેન મેક્સવેલ અને બ્રિસ્બેન હીટના કેપ્ટન ક્રિસ લિન અને હોબાર્ટ હરીકેન્સના ખેલાડી ડાર્સી શોર્ટ દ્વારા ટ્વીટર પર એવી જાહેરાત કરવામાં આવી છે કે તેઓ ઓસ્ટ્રેલિયાના જંગલોમાં ફાટી નીકળેલી ભયાનક આગના રાહત કાર્ય માટે પોતાનો હાથ આગળ વધારવા માંગે છે અને આ માટે તેઓ ચાલી રહેલી બિગ બેશ લીગ BBLમાં જેટલા છગ્ગા ફટકારશે તે સિક્સર દીઠ 250 ઓસ્ટ્રેલિયન ડોલર્સ એટલે કે તોતિંગ 12200 રૂપિયાનું દાન કરશે.
બ્રિસ્બેન હીટના કેપ્ટન ક્રિસ લિને ટ્વીટર પર લખ્યું હતું: મિત્રો। આ વર્ષની BBLમાં હું જેટલી સિક્સ ફટકારીશ તેના બદલ હું 250 ડોલર રેડ ક્રોસ બુશ ફેર અપીલને દાન કરીશ. અલગ અલગ સ્પોર્ટ્સના ખેલાડીઓ આપણા દેશના સાચા હીરો જે દેશના લોકો અને સંપત્તિ બંનેને બચાવી રહ્યા છે એવા આપણા અગ્નિ શામક દળોને પોતાનું સમર્થન દેખાડી રહ્યા છે જે ખૂબ આનંદની વાત છે.
Hey Guys, for every six I hit in this years Big Bash League I will donate $250 towards the Red Cross Bushfire Appeal. It is special to see so many athletes from various sports getting in behind the real heroes who are fighting to save lives and properties around our country 🙏 pic.twitter.com/9MVwNg81GE
આ ટ્વીટ પછી આ કાર્યમાં ગ્લેન મેક્સવેલે પણ પોતાનો હાથ વધારતા ટ્વીટ કર્યું હતું: મને ખૂબ ગમ્યું લિન! સિક્સર દીઠ 250 ડોલર દાન કરવામાં હું પણ તારી સાથે જોડાઇશ. આ એક એવો સરસ ઉદ્દેશ છે જે દેશમાં રહેતા એવા લોકો માટે છે જેમને હાલ મદદની તાતી જરૂર છે.
Love it Lynny!!
I’ll match you on $250 per six I hit in this years BBL. Great cause which is helping so many people around the country who are doing it tough right now. 🙏 https://t.co/hcJea0B6hh
આ પછી ડાર્સી શોર્ટે ઝંપલાવીને ટ્વીટ કરી હતી: ઓકે હવે આ સારા કામમાં હું પણ લિન અને મેક્સવેલ સાથે જોડાઈ રહ્યો છે. હું પણ સિક્સર દીઠ 250 ડોલર દાન કરીશ. રેડ ક્રોસ વાળા હાલમાં ખૂબ અઘરું કામ કરી રહ્યાં છે.
Alright I am gonna jump on board and match @lynny50 and @Gmaxi_32 with $250 for every six I hit in the big bash league aswell to donate Red Cross and help those that are doing it tough. https://t.co/43M0CkAejY
નોંધનીય છે કે ઓસ્ટ્રેલિયામાં હાલમાં ફાટી નીકળેલી આગના કારણે અત્યાર સુધી 20થી વધુ લોકોના મોત થયા છે અને અંદાજિત 50 કરોડ થી 1 અબજ પ્રાણીઓ મોતને ભેટ્યા છે.
ઓસ્ટ્રેલિયા અને ન્યુઝિલેન્ડના ખેલાડીઓ હાલ અગ્નિ શામક દળોને પોતાનું સમર્થન આપવા સિડનીની બીજી ટેસ્ટમાં હાથ ઉપર કાળી પટ્ટી બાંધીને રમશે.