હાલમાં IPL પૂરજોશમાં ચાલી રહી છે. IPLની તરત જ પછી 30 મેથી શરૂ થયેલા વર્લ્ડ કપ માટે તમામ દેશની ટીમોની જાહેરાત થઇ ચૂકી છે. આ વચ્ચે ઓસ્ટ્રેલિયાના કેપ્ટન આરોન ફિંચે પોતાના ઇન્સ્ટાગ્રામ પર ફોટો શૅર કર્યો છે જેની ચર્ચા ખૂબ જ થઇ રહી છે.
ઓસ્ટ્રેલિયાના કેપ્ટન પોતાના પોસ્ટમાં ધોની અને વિરાટની જર્સીનો ફોટો મૂક્યો છે. આ ફોટો શૅર કરતા તેણે લખ્યુ છે કે, ''થેંક યૂ વિરાટ અને ધોની. હું નસીબદાર છું કે ઇન્ડિયા સીરિઝની દરમિયાન તમે તમારી જર્સી મને આપી, મને તમારા બંને માટે ખૂબ જ સન્માન અને ઇજજ્ત છે. અમને મૌકો આપવા માટે આભાર અને આ જરૂરી હતુ.''
તમને જણાવી દઇએ કે, ગત મહિને ભારત આવેલા ઓસ્ટ્રેલિયાની ટીમે આરોન ફિંચની કેપ્ટન્સીમાં T-20 અને વનડે મેચ જીતી હતી.
ઇંગ્લેન્ડ-વેલ્સમાં આગામી મહિને શરૂ થઇ રહેલા વર્લ્ડ કપ માટે ઓસ્ટ્રેલિયાએ એરોન ફિંચને પોતાનો કેપ્ટન બનાવ્યો છે. આ પોસ્ટ પણ ખાસ એટલા માટે છે કે કેમકે હાલમાં BCCI અને ઓસ્ટ્રેલિયા ક્રિકેટ બોર્ડ વચ્ચે મનમુટાવ ચાલી રહ્યો છે.