IPLIN
 

IND vs AUS: અંતિમ વન-ડેમાં ટીમ ઇન્ડિયાએ ઑસ્ટ્રેલિયાને ધૂળ ચટાડી 2-1થી જીતી સીરિઝ

Team VTV 04:22 PM, 18 Jan 19 | Updated: 07:12 PM, 30 Mar 19
Follow us
australia-vs-india-third-odi-melbourne-live-scorecard
મેલબોર્નમાં રમાયેલી વન ડે સીરિઝની અંતિમ અને ત્રીજી મેચમાં ટીમ ઇન્ડિયાએ ઑસ્ટ્રેલિયા સામે 7 વિકેટે શાનદાર વિજય મેળવીની વન-ડે સીરિઝ જીતી લીધી છે. ત્રીજી મૅચમાં ધોની અને કેદાર જાદવની શાનદાર પાર્ટનરશીપને પગલે ટીમ ઇન્ડિયાની જીત સરળ બની ગઈ હતી. કેપ્ટન વિરાટ કોહલીએ પહેલા બૉલિંગ કરવાનો નિર્ણય લીધો હતો પ્રથમ બેટિંગ કરવા માટે આવેલી ઓસ્ટ્રેલિયાની ટીમે 48.4 ઓવરમાં 10 વિકેટે ગુમાવીને 230 રન બનાવ્યા હતા. ટીમ ઇન્ડિયાની સીરિઝની અંતિમ એટલે કે ત્રીજી મેચ જીતવા માટે 231 રનનો ટાર્ગેટ મળ્યો હતો જેને ટીમ ઇન્ડિયાએ 49.2 ઓવરમાં 234 રન બનાવીને પાર કરી લીધો હતો.

ટાર્ગેટનો પૂરો કરવા માટે આવેલી ટીમ ઇન્ડિયાએ પહેલી વિકેટ પીટર સિડલનો બોલ ગુડ લેન્થ પર પીચ થઈને બહાર તરફ જતા રોહિત માર્શને ફર્સ્ટ સ્લીપમાં કેચ આપી બેઠો હતો. તે 17 બોલમાં 9 રન કરી આઉટ થયો હતો જે પછી શિખર ધવન 46 બૉલમાં 23 રન કરીને જ્યારે વિરાટ કોહલીએ 62 બૉલમાં 46 રન કરીને આઉટ થઇ ગયો હતો. જોકે બંનેએ બીજી વિકેટ માટે 44 રનની પાર્ટનરશિપ અને ટીમનો સ્કોર 50 રન સુધી પહોંચાડ્યો હતો.ચોથી વિકેટ માટે એમ એસ ધોનીએ 114 બૉલ 87 રન જ્યારે કેદાર જાધવે 57 બૉલમાં 61  રન કરીને ટીમ ઇન્ડિયાની આ ઐતિહાસિક સીરિઝ જીતાડી દીધી. ટીમ ઇન્ડિયાએ 49.2 ઓવરમાં 234 રને આ સીરિઝ 2-1થી પોતાના નામે કરી.
 

ટૉસ જીતીને પ્રથમ ફિલ્ડિંગ કરતા ટીમ ઇન્ડિયાએ ઓસ્ટ્રેલિયાને 230 રનમાં ઓલઆઉટ કર્યું હતું. ટીમ ઇન્ડિયાની તરફથી યૂઝવેન્દ્ર ચહલે 6 વિકેટ લઈ ઓસ્ટ્રેલિયાની ઇંનિંગ્સને ક્યારેય ઝડપ પકડવા દીધી ન હતી. ઓસ્ટ્રેલિયા તરફથી હેન્ડકોમ્બે સૌથી વધુ 58 રન કર્યા હતા. તે સિવાય શોન માર્શે 39 અને ઉસ્માન ખ્વાજાએ 34 રન કર્યા હતા. ચહલે 10 ઓવરમાં 42 રન આપી 6 વિકેટ લઈ ઓસ્ટ્રેલિયામાં કોઈ સ્પિનર દ્વારા સૌથી વધુ વિકેટ્સનો નવો રેકોર્ડ સ્થાપ્યો હતો. તે પહેલો ભારતીય સ્પિનર બન્યો જેણે ભારતની બહાર બે - પાંચ હોલ લીધી હોય. તે ઉપરાંત રવિ શાસ્ત્રી બાદ ઓસ્ટ્રેલિયામાં પાંચ વિકેટ લેનાર બીજો ભારતીય બોલર બન્યો છે. ભુવનેશ્વરે અને શમીએ 2-2 વિકેટ લીધી હતી.

ટીમ ઇન્ડિયા: શિખર ધવન રોહિત શર્મા વિરાટ કોહલી (કેપ્ટન) કેદાર જાધવ દિનેશ કાર્તિક વિજય શંકર મહેન્દ્રસિંહ ધોની (વિકેટકીપર) રવિન્દ્ર જાડેજા ભુવનેશ્વર કુમાર મોહમ્મદ શમી યુજવેન્દ્ર ચહલ

ઓસ્ટ્રેલિયાઃ એરોન ફિંચ (કેપ્ટન) એલેક્સ કેરી (વિકેટકીપર) ઉસ્માન ખ્વાજા શોન માર્શ પીટર હેંડ્સકોમ્બ માકર્સ સ્ટોઈનિસ ગ્લેન મેક્સવેલ જે. રિચર્ડસન બિલી સ્ટાનલેક પીટર સિડલ એડમ જાંપા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ