ઓસ્ટ્રેલિયાએ આર્થિક તંગીને લઇને પરેશાન પાકિસ્તાનને એક વધુ ઝટકો આપ્યો છે. ઓસ્ટ્રેલિયાની મોરિસન સરકારે પાકિસ્તાનને આપવામાં આવતી આર્થિક મદદ રોકવાનો નિર્ણય લીધો છે. અત્યાર સુધી ઓસ્ટ્રેલિયા પાકિસ્તાનમાં ગરીબ મહિલાઓ અને છોકરીઓને મદદ માટે નાણાંકીય મદદ પહોંચાડતું હતું.
અમેરિકા બાદ પાકિસ્તાનને ઓસ્ટ્રેલિયાએ આપ્યો ઝટકો
ઓસ્ટ્રેલિયાએ આર્થિક મદદ રોકવાનો લીધો નિર્ણય
પાકિસ્તાનને 70 વર્ષથી કરતું આર્થિક મદદ
સૂત્રોને મળતી જાણકારી મુજબ ઓસ્ટ્રેલિયા છેલ્લા 70 વર્ષથી પાકિસ્તાનને આર્થિક મદદ પહોંચાડતું રહ્યું છે પરંતુ હવે 2020-21 થી વિકાસ કાર્યો માટે આપવામાં આવતી સહાય રોકી દેવામાં આવી છે.
પાકિસ્તાનની નાણાકીય મદદ કાર્યક્રમને લઇને પરફોર્મન્સ રિપોર્ટમાં જણાવામાં આવ્યું છે કે ઓસ્ટ્રેલિયા દ્વારા પાકિસ્તાનને આપવામાં આવતું ફંડિગ હવે પ્રશાંત ક્ષેત્રમાં નવા પ્રોજેકટમાં રોકવામાં આવશે. 2018-19માં પાકિસ્તાનને આપવામાં આવતી 3.9 કરોડ ડોલરની આર્થિક મદદ 2019-20માં 1.9 કરોડ ડોલર કરી નાંખવામાં આવી અને 2020-21માં તેન રોકી દેવામાં આવી છે.
પાકિસ્તાન એશિયાના સૌથી ગરીબ દેશમાંથી એક છે અને સંયુક્ત રાષ્ટ્ર માનવ વિકાસના 178 દેશની યાદીમાં 150માં સ્થાન પર છે.
ઓસ્ટ્રેલિયાની સરકારનો પાકિસ્તાનને આર્થિક મદદ રોકવાનો નિર્ણય 2015ની નીતિથી બિલકુલ અલગ છે. તે સમયે ઓસ્ટ્રેલિયા તરફથી પાકિસ્તાન માટે રોકાણની જાહેરાત કરતાં જણાવ્યું હતું કે દક્ષિણ એશિયામાં રણનીતિ હેઠળ મહત્વપૂર્ણ પાકિસ્તાનની સાથે તેના હિત જોડાયેલા છે. જો કે પાકિસ્તાન ક્ષેત્રીય ફંડિગ અને ઓસ્ટ્રેલિયાની યૂનિવર્સિટીમાં ભણવા માટે સ્કોલરશિપ માટે થોડી મદદ મળતી રહેશે.