ક્રિકેટ / આંતરરાષ્ટ્રીય ક્રિકેટના આ દિગ્ગજ ખેલાડીએ 35 વર્ષની ઉંમરે ક્રિકેટને કહ્યું અલવિદા

• ઓસ્ટ્રેલિયાના દિગ્ગજ ખેલાડી પીટર સિડલે લીધી નિવૃત્તિ
• 35 વર્ષના સિડલે 67 ટેસ્ટ મેચમાં 221 વિકેટ ઝડપી છે
• છેલ્લી ટેસ્ટ ઈંગ્લેન્ડમાં એશિઝ સીરિઝ દરમિયાન રમી હતી

સિડલને ન્યૂઝીલેન્ડ સામે મેલબોર્નમાં રમાયેલી બોક્સિંગ ડે ટેસ્ટ માટે ટીમમાં સ્થાન આપવામાં આવ્યું હતું, પરંતુ તે પ્લેઇંગ ઇલેવનમાં સામેલ થયો ન હતો. ત્યારબાદ તેણે આંતરરાષ્ટ્રીય ક્રિકેટમાંથી નિવૃત્તિ લેવાનો નિર્ણય લીધો હતો. પીટર સિડલ મેલબોર્ન ક્રિકેટ ગ્રાઉન્ડ (MCG) ખાતેના ઓસ્ટ્રેલિયન ડ્રેસિંગ રૂમમાં જઈ સાથી ખેલાડીઓને તેના આ નિર્ણય વિશે જણાવ્યું હતું. આ વર્ષે એશિઝ માટે સિડલે ઈંગ્લેન્ડમાં મુખ્ય ભૂમિકા નિભાવી હતી.

સિડલ સૌથી વધુ ટેસ્ટ વિકેટ લેનારા બોલરોની યાદીમાં તે 13મા ક્રમે

સિડલે 67 ટેસ્ટમાં 221 વિકેટ ઝડપી હતી, જેમાં આઠ વખત પાંચ વિકેટનો સમાવેશ થાય છે. ઓસ્ટ્રેલિયા તરફથી સૌથી વધુ ટેસ્ટ વિકેટ લેનારા બોલરોની યાદીમાં તે 13મા ક્રમે છે. તેણે પોતાના 26મા જન્મદિવસ પર 2010માં બ્રિસ્બેનમાં ઈંગ્લેન્ડ સામે યાદગાર ટેસ્ટ હેટ્રિક બનાવી હતી.

“Sids has been the heart and soul of the team for a long time. He’ll be very much missed around the group.”

Tim Paine joins coach Justin Langer and CEO Kevin Roberts in paying tribute to veteran fast-bowler Peter Siddle: https://t.co/LWN7PBEn4V pic.twitter.com/lwwsn8uiso

— Cricket Australia (@CricketAus) December 29, 2019

સિડલ સ્થાનિક સ્તરે રમવાનું ચાલુ રાખશે

પીટર સિડલે 20 વનડે અને બે ટી-20 આંતરરાષ્ટ્રીય મેચોમાં પણ ઓસ્ટ્રેલિયાનું પ્રતિનિધિત્વ કર્યું હતું. સિડલ સ્થાનિક સ્તરે રમવાનું ચાલુ રાખશે. તે બિગ બેશ લીગમાં એડિલેડ સ્ટ્રાઇકર્સ અને શેફીલ્ડ શીલ્ડમાં વિક્ટોરિયા માટે રમે છે. 

સિડલે કહ્યું, 'જ્યારે પણ હું મેદાન પર રમવા ઉતર્યો ત્યારે તે એક શાનદાર અનુભવ રહ્યો હતો. કોઈ એક ખાસ ક્ષણ હું પસંદ નહીં કરી શકું, કારણ કે મારા માટે રમવું જ સૌથી વધારે ખાસ હતું. હું જેટલું રમી શક્યો તે મારા માટે ખાસ હતું.