નિવેદન / ઓસ્ટ્રેલિયાના નવા વડાપ્રધાન બનતા જ એન્થની અલ્બનીઝનો ૐ લખેલો ભગવો ખેસ પહેરેલો ફોટો વાયરલ

• ઓસ્ટ્રેલિયાની સામાન્ય ચૂંટણીમાં સ્કોટ મોરિસનની હાર
• નેતા એન્થની અલ્બનીઝ બન્યા નવા વડાપ્રધાન
• એન્થની અલ્બનીઝ કેસરી ખેસ પહેરેલો જોવા મળ્યાં

ઓસ્ટ્રેલિયાની સામાન્ય ચૂંટણીમાં લેબર પાર્ટી (Labor Party) એ વડાપ્રધાન સ્કોટ મોરિસનની લિબરલ પાર્ટીને હરાવીને જંગી જીત મેળવી છે. ઓસ્ટ્રેલિયાની સામાન્ય ચૂંટણીમાં વડાપ્રધાન સ્કોટ મોરિસનની હાર થઇ છે. મોરિસનની હાર બાદ હવે વિપક્ષી નેતા એન્થની અલ્બનીઝ (Anthony Albanese) વડાપ્રધાન બની ગયા છે. આ દરમિયાન એન્થની અલ્બનીઝનો એક ફોટો અને વીડિયો સોશિયલ મીડિયામાં ખૂબ વાયરલ થઈ રહ્યો છે. જેમાં તેઓ કેસરી ખેસ પહેરેલો જોવા મળી રહ્યાં છે.

Australia ke naye PM #AnthonyAlbanese 🔥 pic.twitter.com/ow1qKhueiM

— Ajay Sehrawat (@IamAjaySehrawat) May 22, 2022

પહેર્યો હતો કેસરી સ્કાર્ફ

આ ફોટો વાયરલ થયા બાદ એવું કહેવાઇ રહ્યું છે કે, આ ઓસ્ટ્રેલિયાના નવા પીએમ છે, જેમણે જીત માટે કેસરિયો ધારણ કર્યો છે. જો કે, ઓસ્ટ્રેલિયાના નવા પીએમ અનેક પ્રસંગોએ તેમના ખભા પર 'OM' ૐ લખેલા સ્કાર્ફ પહેરેલા જોવા મળ્યા હતા. એવામાં આ કેસરી સ્કાર્ફને તેમની જીતના પ્રતીક તરીકે જોવામાં આવી રહ્યો છે.

ભારત સાથે છે ખાસ સંબંધ

તમને જણાવી દઈએ કે, લેબર એન્થની અલ્બેનીઝ વિશે એવું કહેવાય છે કે, તેઓ ચીન સાથે ઓસ્ટ્રેલિયાના સંબંધોને સંતુલિત કરી શકે છે. આ સાથે તેમનો ભારત સાથે પણ ખાસ સંબંધ રહ્યો છે અને તેઓ ભારત-ઓસ્ટ્રેલિયા સંબંધોને નવી ઊંચાઈએ લઈ જઈ શકે છે.

બે વખત કરી ચૂક્યાં છે ભારતની યાત્રા

અનેક મીડિયા રિપોર્ટ્સના જણાવ્યાં અનુસાર, ભારતમાં ઓસ્ટ્રેલિયાના હાઈ કમિશનર બેરી ઓફરેલે કહ્યું કે, અલ્બનીઝ ભારત માટે અજાણ્યા નથી. તેઓએ 1991માં બેક-પેકર તરીકે ભારતનો પ્રવાસ કર્યો હતો. આ સાથે, તેઓ 2018 માં સંસદીય પક્ષનું નેતૃત્વ કરીને ભારત આવ્યા હતા.એટલું જ નહીં, જ્યારે સ્કોટ મોરિસને તેમના પ્રચારમાં ભારતીય મૂળના મતદારોને ઘણી રીતે આકર્ષિત કરવાનો પ્રયાસ કર્યો હતો, ત્યારે એન્થની અલ્બનીઝે મજબૂત ભારત-ઓસ્ટ્રેલિયા સંબંધો અને વ્યૂહાત્મક ભાગીદારી પર ભાર મૂક્યો હતો.

12 વર્ષથી આંદોલનમાં જોડાઇ ગયા

ઓસ્ટ્રેલિયાના નવા વડાપ્રધાન એન્થનીનું જીવન આર્થિક સંકટમાં પસાર થયું. તેઓ પોતાની માતાના એકના એક પુત્ર હતા. સિંગલ મધરે તેઓને ઉછેર્યા. તેઓને બાળપણમાં એમ કહેવામાં આવ્યું હતું કે, તેના પિતાનું કાર અકસ્માતમાં મૃત્યુ થઇ ચૂક્યું છે. તેઓ માત્ર 12 વર્ષની વયે રાજકીય ચળવળમાં જોડાયા હતા.