ઓસ્ટ્રેલિયામાં માં કાળીનાં મંદિરનાં પૂજારણને પંજાબી બોલતા વ્યક્તિએ ધમકી આપી. કહ્યું કે ભજન કાર્યક્રમ રદ કરો નહિંતર...
ઓસ્ટ્રેલિયામાં હિન્દૂ મંદિરને મળી ફરી ધમકી
ખાલિસ્તાનીએ માં કાળીનાં મંદિરનાં પૂજારણને કર્યો કોલ
ભજન કાર્યક્રમ રદ કરવા આપી ધમકી
ઓસ્ટ્રેલિયામાં ફરીવાર હિન્દુધર્મ પર ટાર્ગેટ કરવામાં આવી રહ્યો છે. આ વખતે ઓસ્ટ્રેલિયાના મેલબોર્નમાં આવેલા મંદિરને ભજન વગાડવા અંગે ધમકી આપેલ છે. મેલબોર્નમાં આવેલા કાળકા માતાનાં મંદિરની પુજારણને 4 માર્ચનાં થનારા ભજન કાર્યક્રમ ન ઊજવવા અંગે ધમકી આપવામાં આવી છે. માહિતી અનુસાર ધમકી આપનાર શખ્સ પંજાબી ભાષા બોલી રહ્યો હતો તેથી આ કામ ફરી કોઈ ખાલિસ્તાનીએ કરી હોય તેવું સામે આવી રહ્યું છે. આ ધમકી ભરેલો કૉલ પાકિસ્તાનથી આવ્યો હોવાની માહિતી મળી આવી છે.
નો કોલર Idમાંથી આવ્યો કોલ
ઓસ્ટ્રેલિયાનાં આ મંદિરની પુજારણ ભાવનાએ જણાવ્યું કે તેમણે 'નો કોલર આઈ ડી' (એટલે કે સ્ક્રીન પર કોઈ ફોન નંબર દેખાય નહીં)માંથી ફોન આવ્યો હતો. પંજાબી ભાષામાં આ વ્યક્તિ વાત કરી રહ્યો હતો અને તેણે કહ્યું કે શું તમે કનૈયાલાલ નામક કલાકારને ભજન કાર્યક્રમમાં બોલાવી રહ્યાં છો? તો ભાવનાએ કહ્યું હા, તે દિવસે આશરે 4 હજારથી વધારે ભક્ત ભજન કાર્યક્રમમાં શામેલ થશે.
કનૈયાલાલને કાર્યક્રમમાં ન બોલાવવા ધમકી
ત્યારે તે વ્યક્તિએ કહ્યું કે, 'તૂમ્હે માલૂમ હૈ કી વો (કનૈયાલાલ) કટ્ટર હિંદૂ હૈ..જો તે આવ્યો તો મંદિરમાં લડાઈ થશે.' ભાવનાએ જણાવ્યું કે ધમકી આપનારા વ્યક્તિથી તેમણે અનુરોધ કર્યો કે અમે આ કાર્યક્રમની સંપૂર્ણ તૈયારી કરી લીધેલ છે. અમે કાર્યક્રમ માટે પૈસા પણ ખર્ચ કરી દીધેલ છે. અમે કાર્યક્રમને રોકી શકશું નહીં. ત્યારે ધમકી આપનારાએ કહ્યું કે અમારું કામ તમને ચેતવણી આપવાનું હતું, જો તમે અમારી વાત ન માની તો તેનું પરિણામ ભોગવવા તૈયાર રહેજો.
ગુરુ ગોવિંદસિંહજી પણ માં કાળીની પૂજા કરતાં...
ભાવનાએ આગળ જણાવ્યું કે મેં તેને વિનંતી પણ કરી કે ભાઈસાહેબ અહીં માં કાળીનું મંદિર છે, અહીં તો ગુરુ ગોવિંદસિંહજી પણ તેમની પૂજા અર્ચના કરતાં હતાં. કોઈ શા માટે અહીં આવીને લડાઈ કરશે. ભાવનાએ આગળ જણાવ્યું કે છેલ્લા કેટલાક દિવસોથી કેટલાક દિવસોથી ઑસ્ટ્રેલિયાનાં કેટલાક મંદિરો પર હિન્દૂ-વિરોધી લોકોએ હુમલાઓ કર્યાં છે.