પ્રેમમાં દિલ આપી ચૂકેલી ઓસ્ટ્રેલિયાની રહેવાસી વિક્ટોરિયા સૂબેની બક્સર જિલ્લાના ઇટાઢી પ્રખંડ અંતર્ગત કુકુઢા ગામના રહેવાસી જયપ્રકાશ સાથે લગ્ન કરી પોતાને ખૂબ ભાગ્યશાળી સમજી રહી છે.
ઓસ્ટ્રેલિયન યુવતીને બિહારી યુવક સાથે થયો પ્રેમ
ભારતીય યુવક સાથે લગ્ન કરી પોતાને માની રહી છે ભાગ્યશાળી
હિન્દુ વિધિ વિધાન અનુસાર કર્યા લગ્ન
2019માં ઓસ્ટ્રેલિયા ગયો હતો જયપ્રકાશ
વિક્ટોરિયાના લગ્ન બક્સરના એક મેરેજ હોલમાં 20 એપ્રિલની રાત્રે હિન્દુ વિધિવિધાન મુજબ થયા. તેના પતિ જયપ્રકાશ યાદવ કુકુઢા પંચાયતના પૂર્વ સરપંચ નંદલાલ સિંહ યાદવના મોટા પુત્ર છે, જે ઓસ્ટ્રેલિયામાં રહીને અભ્યાસ પૂર્ણ કર્યા બાદ નોકરી કરે છે. આ લગ્નથી બંને પરિવારના સભ્યો ખૂબ ખુશ છે. જયપ્રકાશે 2019થી 2021 સુધી ઓસ્ટ્રેલિયામાં રહીને અભ્યાસ કર્યો હતો. તે એમએસ સિવિલ એન્જિનિયરના પદ પર ઓસ્ટ્રેલિયામાં આસીન છે. અભ્યાસ દરમ્યાન જયપ્રકાશને ઓસ્ટ્રેલિયાના મેલબર્ન શહેરના જીલોન્ગમાં રહેતી યુવતી સાથે પ્રેમ પાંગળ્યો. તેના પિતા સ્ટીવન ટૉકેટ અને માતા અમેન્ડા ટૉકેટ પણ તેની દીકરી વિક્ટોરિયાની સાથે ઈટાઢીના કુકુઢા આવી ગયા છે. તેમણે હિન્દુ રીતિ રિવાજ પ્રમાણે 20 એપ્રિલે રાત્રે તેમની દીકરી વિક્ટોરિયાના લગ્ન કુકુઢાના પૂર્વ સરપંચ નંદલાલ સિંહના મોટા પુત્ર જયપ્રકાશ યાદવ સાથે કરાવ્યાં.
ભારતીય સંસ્કૃતિને જોઇને ખુશ છે દુલ્હનના માતા-પિતા
વિક્ટોરિયાના પિતા સ્ટીવન ટૉકેટે બિહારી સંસ્કૃતિના સવાલ પર જણાવ્યું કે મને આ સંસ્કૃતિને જોઈને ખૂબ આનંદ થયો. દીકરીના હાથમાં મહેંદી જોઈને તેઓ ખૂબ ખુશ છે. દીકરીના પિતા હોવાને કારણે કન્યાદાનની વિધિ માટે પગમાં મહાવરને લઇને જ્યારે તેમને સવાલ પૂછવામાં આવ્યો તો તેમણે આનંદ દર્શાવતા કહ્યું કે મને અત્યંત સારું લાગ્યું. બિહારના ઇટાઢીમાં દીકરીના સાસરીમાં આવીને ખૂબ ખુશ છુ. મને આશા છે કે મારી દીકરી આ બિહારી જમાઈ સાથે ખૂબ ખુશ રહેશે.