ઓસ્ટ્રેલિયામાં સૌથી મોટો સાઇબર હુમલો કરવામાં આવ્યો છે. આ હુમલામાં સરકાર અને ખાનગી ક્ષેત્રો પર નિશાન તાકવામાં આવ્યું છે. સમાચાર એજન્સી એએએફપી દ્વારા મળતી જાણકારી મુજબ આ હુમલો કોઇ સંગઠિત ગેંગ દ્વારા કરવામાં આવ્યો છે અથવા તેની પાછળ કોઇ દેશનો હાથ પણ હોય શકે, જો કે હાલમાં આ અંગે તપાસ કરવામાં આવી રહી છે.
ઓસ્ટ્રેલિયાના પ્રધાનમંત્રી સ્કૉટ મૉરિસને પણ કહ્યું છે કે ઓસ્ટ્રેલિયાન ખાનગી અને સાર્વજનિક ક્ષેત્રોના સંગઠનોને લક્ષ્યમાં રાખી કોઇ વિદેશી સંસ્થાએ આ જટિલ સાયબર હુમલો કર્યો છે.
ઓસ્ટ્રેલિયાના પીએમએ કહ્યું કે અમે જાણીએ છે કે આ જટિલ છે. જે પ્રકારે આ સાયબર હુમલો કરવામાં આવ્યો છે, જે સંસ્થાઓને નિશાને લેવામાં આવી છે તેમજ તેની ઉપર થયેલી અસર તે વાત ચોક્કસ છે. ઓસ્ટ્રેલિયાની સરકાર આવા સાયબર હુમલાના ભય પ્રતિ સજાગ અને સતર્ક છે.
પીએમ મૉરિસને કહ્યું કે આ કોઇ નવું જોખમ નથી, પરંતુ વિશિષ્ટ છે, તેની પ્રવૃત્તિ લક્ષ આધારિત છે. જેને લઇને ઓસ્ટ્રેલિયાના સંગઠનોને જરૂરિ સલાહ આપવામાં આવે છે કે તેઓ પોતાની સુરક્ષા માટે કડક પગલા ઉઠાવે. ઓસ્ટ્રેલિયાના પીએમએ કહ્યું કે અત્યાર સુધીમાં કરવામાં આવેલી તપાસમાં વ્યક્તિગત ડેટા ચોરી કરવામાં આવી હોય તેવો ખુલાસો થયો નથી.