સિડની ખાતે ત્રીજી અને અંતિમ એવી નિર્ણાયક ટી-20 પહેલા ભારતીય ટીમ માટે ખરાબ સમાચાર આવ્યાં છે. ઓસ્ટ્રેલિયાએ પોતાના સૌથી પ્રમુખ બોલર મિચેલ સ્ટાર્કનો ટીમમાં સમાવેશ કર્યો છે. આ ફાસ્ટ બોલરની ઓસ્ટ્રેલિયા ટી-20 ટીમમાં અંદાજે બે વર્ષ બાદ વાપસી થઇ છે.
મિચેલ સ્ટાર્કનો ઇજાગ્રસ્ત બિલી સ્ટેનલેકની જગ્યાએ ટીમમાં સમાવેશ કરવામાં આવ્યો છે. સપ્ટેમ્બર 2016માં અંતિમ ટી-20 રમનાર સ્ટાર્ક પોતાની ફિટનેસની સમસ્યાના કારણે ટીમમાંથી બહાર રહેવું પડ્યું છે.
મિચેલ સ્ટાર્ક પોતાના ફાસ્ટ અને સ્વિંગના કારણે જાણીતા છે. ભારતીય ટીમ વિરુધ્ધ તેમની રમત શાનદાર રહી છે.
તે પહેલા સ્ટેનલેક ઇજાગ્રસ્ત થવાના કારણે બીજી ટી-20 મેચમાં અંતિમ ઇલેવનનો ભાગ બની શકયો નહોતો. તેની જગ્યાએ નાથન કૂલ્ટર નાઇલનો અંતિમ ઇલેવનમાં સમાવેશ કરવામાં આવ્યો હતો.