WC 2019 / રોમાંચક મેચમાં ઓસ્ટ્રેલિયાએ વિન્ડીઝને 15 રને હરાવ્યું

ઓસ્ટ્રેલિયા તરફતી નાથન કુલ્ટર નાઇલે 92, સ્ટીવ સ્મિથે 73 રનની શાનદાર ઇનિંગ્સ રમી હતી. જ્યારે બોલિંગમાં મિશેલ સ્ટાર્કે 5 વિકેટ ઝડપી હતી. સ્ટાર્ક વર્લ્ડકપમાં 5 વિકેટ લેવાવાળો પ્રથમ બોલર બન્યો. ટોસ હાર્યા બાદ પ્રથમ બેટિંગ માટે આવેલી ઓસ્ટ્રેલિયાની ટીમ 49 ઓવરમાં 288 રન બનાવી ઓલઆઉટ થઇ ગઇ હતી.
 

જેના જવાબમાં વેસ્ટ ઇન્ડિઝની ટીમ 50 ઓવરના અંતે 9 વિકેટના નુકસાન પર 273 રન જ બનાવી શકી હતી. ઓસ્ટ્રેલિયા તરફથી શાનદાર ઇનિંગ્સ રમેલા નાથન કુલ્ટર નાઇલને મેન ઓફ ધ મેચ જાહેર કરાયો હતો. 

વર્લ્ડકપ 2019માં ઓસ્ટેલિયાની આ બીજ સતત જીત થઇ છે, જ્યારે વેસ્ટ ઇન્ડિઝની પ્રથમ હાર છે. આ અગાઉ ઓસ્ટ્રેલિયાની ટીમે અફઘાનિસ્તાનની ટીમને સાત વિકેટે પરાજય આપ્યો હતો. જ્યારે વેસ્ટ ઇન્ડિંઝની ટીમે પાકિસ્તાનને સાત વિકેટે હરાવ્યું હતું. 
 

ઓસ્ટ્રેલિયાએ આપેલા લક્ષ્યાંકની પીછો કરવા મેદાનમાં ઉતરેલી વેસ્ટ ઇન્ડિઝની ટીમે બંને ઓપનરની વિકેટ ઝડપી ગુમાવી દીધી હતી. વેસ્ટ ઇન્ડિઝ તરફથી હોલ્ડરે 57 બોલમાં 7 બાઉન્ડ્રી અને એક સિકસરની મદદથી 51 રનની શાનદાર ઇનિંગ્સ રમી હતી.

ઓસ્ટ્રેલિયાની ટીમની એક સમયે 79 રન પર પાંચ વિકેટ પડી ગઇ હતી. પરંતુ ઓસ્ટ્રેલિયા તરફથી આઠમા નંબરે આવેલા નાઇલે 60 બોલમાં 92 રનની શાનદાર ઇનિંગ્સ રમી હતી. જ્યારે સ્ટીવ સ્મિથે 103 બોલમાં મહત્વના 73 રન જોડ્યા હતા.