ક્રિકેટ / મહિલા વર્લ્ડકપ: ઓસ્ટ્રેલિયાએ ભારતને 6 વિકેટથી આપ્યો પરાજય, સતત 5 મેચ જીતીને પહોંચ્યું સેમિફાઈનલમાં

• મહિલા વર્લ્ડ કપમાં ભારતની હાર
• ઓસ્ટ્રેલિયાએ આપ્યો 6 વિકેટથી પરાજય
• ઓસ્ટ્રેલિય ટીમનો સેમિફાઈનલમાં પ્રવેશ

ઓસ્ટ્રેલિયાએ મહિલા વનડે વિશ્વ કપના 18મા મુકાબલામાં ભારતીય મહિલા ટીમને 6 વિકેટથી પરાજય આપ્યો છે. મેચમાં ભારતીય ટીમે ટોસ હારીને પહેલા બેટિંગ કરીને 7 વિકેટમાં 277 રન બનાવ્યાં હતા. મિતાલી રાજે 68, હરમનપ્રીત કૌરે અણનમ 57 અને યાસ્તિકા ભાટીયાએ 59 રન કર્યાં હતા. જવાબમાં ઓસ્ટ્રેલિયાની ટીમે 4 વિકેટ ગુમાવીને 280 રન બનાવીને સેમિફાઈનલમાં પ્રવેશ મેળવી લીધો હતો. 

Australia complete the highest successful run-chase in ICC Women’s @cricketworldcup history 🎉 pic.twitter.com/9Cv2JLGja5

— ICC (@ICC) March 19, 2022

ઓસ્ટ્રેલિયાની ટીમ માટે કેપ્ટન મેગ લેનિંગે 97 રનની ઇનિંગ રમી હતી. તે સદીની નજીક આવ્યો અને કેચ આઉટ થયો. તેના સિવાય વિકેટકીપર એલિસા હિલીએ 72 રન બનાવ્યા હતા. ટીમ ઈન્ડિયા તરફથી પૂજા વસ્ત્રાકરે 2 વિકેટ લીધી હતી. મેઘના સિંઘ અને સ્નેહ રાણાએ 1-1થી સફળતા હાંસલ કરી હતી.

India suffer six-wicket loss to Australia in ICC Women's ODI World Cup

— Press Trust of India (@PTI_News) March 19, 2022

2 શતકીય ભાગીદારીએ મેચને બનાવી સરળ 
278 રનના રેકોર્ડ ટાર્ગેટનો પીછો કરવા ઉતરેલા ઓસ્ટ્રેલિયાની ઓપનિંગ જોડીએ તેમની ટીમને સદીની શરુઆત અપાવી હતી. હંસ અને હિલીએ 121 રનની ભાગીદારી કરી હતી. આ પછી કેપ્ટન મેગ લેનિંગ અને એલિસ પેરી વચ્ચે 103 રનની ભાગીદારી થઈ હતી. આ બંને ભાગીદારીએ ટીમને ખૂબ નજીક લાવી દીધી હતી.જોકે આ પછી વરસાદે મેચમાં સહેજ વિઘ્ન નાંખ્યું હતુ અને બાજી ભારત તરફ ખસી રહી હોય તેમ લાગતું હતુ. પૂજા વસ્ત્રાકરે એલિસા પેરીને આઉટ કરતાં ભારતને ત્રીજી સફળતા અપાવી હતી. આ વિકેટ બાદ મેચ થોડી રોમાંચક રહી, પરંતુ ભારત પોતાની હારથી બચી શક્યું નહીં. ભારતને 49મી ઓવરમાં કેપ્ટન મેગ લેનિંગના રૂપમાં વધુ એક સફળતા મળી હતી, જે 97 રન બનાવી આઉટ થયો હતો.

સતત પાંચમી મેચ જીત્યું ઓસ્ટ્રેલિયા,ભારતની ત્રીજી હાર

વર્લ્ડ કપમાં ઓસ્ટ્રેલિયાની આ પાંચમી જીત છે જ્યારે ભારતની ત્રીજી હાર છે. મિતાલી,હરમનપ્રીત અને યસ્તિકાએ અડધી સદી ફટકારી હતી.