ભારતીય ટીમે તેનો ફ્લોપ શો ચાલુ રાખતા બીજી વન ડે મેચ પણ ગુમાવી હતી. ભારતીય ટીમ 389ના લક્ષાંક સામે 338 રન જ બનાવી શકી હતી.
ભારતીય ક્રિકેટ ટીમના ઓસ્ટ્રેલિયાના પ્રવાસમાં રકાસ વળી ગયો છે. એક તરફ કાંગરૂ ટીમ ભારતને હંફાવી રહી છે ત્યારે બીજી બાજુ ભારતના બોલરોનું નબળું પ્રદર્શન માથાનો દુખાવો બન્યું છે.
મેચની શરૂઆતમાં ઓસ્ટ્રેલિયાએ ટોસ જીતીને બેટિંગ કરવાનો નિર્ણય લીધો હતો. તેમણે ભારતીય બોલરોની બરાબરની ધોલાઈ કરતા 389નો સ્કોર ખડકી દીધો હતો. પૂર્વ કેપ્ટન અને સ્ટાર ખેલાડી સ્ટીવ સ્મિથે તો 64 બોલમાં 104 રન બનાવ્યા હતા.
આ ઉપરાંત વોર્નરના 83 રન, ફિન્ચના 60 રન, લામ્બુશેનના 70 રન અને મેકસવેલના 29 બોલમાં ઝંઝાવાતભર્યા 63 રનથી ભારતીય બોલરો લાચાર બન્યા હતા. બોલરોમાં શમી અને યુવા બોલર નવદીપ સૈની સૌથી નિષ્ફળ ગયા હતા જેમણે અનુક્રમે 73 અને 70 રન આપી દીધા હતા.
આ આક્રમણ સામે ભારતીય બેટ્સમેનમાં વિરાટ કોહલી અને K L રાહુલ એમ બે જ ખેલાડીઓ સારું પ્રદર્શન કરી શક્યા હતા. તેમણે અનુક્રમે 89 અને 76 રન નોંધાવ્યા હતા. જો કે આ મસમોટા સ્કોર સામે ભારતીય ખેલાડીઓને જે ઝડપથી રન બનાવવાની જરૂર હતી તે ઝડપ જાળવવાના પ્રયત્નોમાં નિયમિત વિકેટો ખરી રહી હતી. જાડેજાએ 11 બોલમાં 24 રન કરીને ભારતમાં આશા જગાડવાનો પ્રયત્ન કર્યો હતો પણ ત્યાં સુધી ઘણું મોડું થઇ ગયું હતું. આખરે ભારત 9 વિકેટના નુકસાને 338 સ્કોર કરી શક્યું અને ભારતની 338 રને હારી ગયું.