એડિલેડઃ ભારતીય કેપ્ટન વિરાટ કોહલી એડિલેડ વનડે જીતીને ખુબજ ખુશ છે. તેમણે ઓસ્ટ્રેલિયા વિરૂદ્ધ બીજી વનડે મેચમાં જીત દાખલ કર્યા બાદ પૂર્વ કેપ્ટન મહેન્દ્રસિંહ ધોનીના વખાણ કર્યા હતા. તેમણે કહ્યું હતુ કે ધોની પોતાના રંગમાં દેખાયા.
મેન ઓફ ધ મેચ કોહલી(104)ની સેન્ચ્યુરી ઇનિંગ્સ બાદ ધોનીએ 54 બોલમાં અણનમ 55 રનોની ઇનિંગ્સ રમીને ભારતને છ વિકેટથી જીત અપાવવામાં મહત્વની ભૂમિકા નિભાવી છે. આ જીતથી ત્રણ મેચોની સીરીઝમાં ભારત 1-1થી બરાબર કરવામાં સફળ રહ્યું.
મંગળવારે કોહલીએ મેચ બાદ કહ્યું કે આમાં કોઇ શંકા નથી કે તેમને આ ટીમનો ભાગ હોવું જોઇએ એમએસ તે અંદાજમાં દેખાયા જેના માટે તેઓ વખણાય છે. તેઓ રમતની સ્થિતિનું આંકલન સારી રીતે કરે છે. તેઓ મેચને છેલ્લે સુધી લઇ જાય છે જ્યાં માત્ર તેઓ જાણે છે કે તેમના મગજમાં શું ચાલી રહ્યું છે. તેઓ છેલ્લી ઓવરમાં મોટા શૉટ રમવાની આવશ્યક્તા ધરાવે છે.