ચીનમાં કોરોના વાયરસ મામલાને સંભાળવા માટે શું કર્યુ? પારદર્શકતા કેવી રીતે દર્શાવી? અને વાયરસની ઉત્પત્તિ ખરેખર કેવી રીતે થઈ? આવા સવાલોના જવાબ માટે ઓસ્ટ્રેલિયાએ સ્વતંત્ર તપાસ કરવાની માંગણી કરી છે. ઉલ્લેખનીય છે કે અમેરિકા વારંવાર ચીન પર નિશાન સાધી તપાસ કરવાની માંગ કરી રહ્યું છે. જ્યારે જર્મનીએ નુકશાનનું બીલ ચીનને મોકલી આપ્યુ છે.
અમેરિકાએ ચીનમાં તપાસની માંગ કરી
ઓસ્ટ્રેલિયાએ પણ ચીન સામે સ્વતંત્ર તપાસની માંગણી કરી
ચીને ઓસ્ટ્રેલિયાના સવાલો પાયાવિહોણા ગણાવ્યા
વિભિન્ન દેશો દ્વારા ચીન પર કરવામાં દબાણ કરવામાં વધારો થયો છે. અહીના વિદેશ મંત્રી મરીન પાઈને રવિવારે કહ્યું કે ચીન દ્વારા પારદર્શકતા ન દાખવવા બાબતે ઘણા ચિંતાતુર છે.
પાઈને કહ્યું કે, વાયરસ સાથે જોડાયેલા મામલામાં સ્વતંત્ર વિશ્લેષણ થવું જોઈએ. ઓસ્ટ્રેલિયાએ એ વાત પર ભાર મુક્તા સ્વતંત્ર તપાસ કરવાની માંગ કરી છે. આ પહેલા ઓસ્ટ્રેલિયાના સ્વાસ્થ્ય મંત્રી ગ્રેગ હંટે ડબ્લ્યૂએચઓના રવૈયાની આલોચના કરી હતી. તેમણે કહ્યું હતું કે મદદગારે કોઈ નિર્ણય ન લીધો. ઉલ્લેખનીય છે કે WHOની વિરુદ્ધ જઈને 1 ફેબ્રુઆરીમાં ઓસ્ટ્રેલિયાએ ચીનથી આવનાર પર પ્રતિબંધ મુક્યો હતો. જેને લઈને ચીને નારાજગી વ્યક્ત કરી હતી. પરંતુ અત્યારે આ નિર્ણયને યોગ્ય માનવામાં આવી રહ્યો છે.
ચીને સફાઈમાં ઓસ્ટ્રેલિયાના સવાલને આધાર વગરનો ગણાવ્યો છે. ઓસ્ટ્રેલિયાએ પુછ્યુ હતું કે બેઈજિંગમાં કોરોનાને રોકવા શું પ્રયાસો કરવામાં આવ્યા હતા. ચીની વિદેશ મંત્રાલયના પ્રવક્તા ગેંગ સુઆંગે કહ્યું કે આ નિવેદન પાયાવિહોણું છે. તેના પર ચિંતાવ્યક્ત કરતા વિરોધ નોંધાવ્યો હતો. ઉલ્લેખનીય છે કે, અમેરિકાન રાષ્ટ્રપતિ ડોનાલ્ડ ટ્રમ્પે ચીન સાથેના વલણમાં કોઈ ફેરફાર નથી આવ્યો . ટ્રમ્પે હવે કહ્યું છે કે તે કોરોનાની જાણકારી માટે વિશેષજ્ઞોની ટીમ ચીન મોકલવા ઈચ્છે છે.