ક્રિકેટ / ભારત-પાક. સાથે ટ્રાઇ સીરિઝ રમવા ઓસ્ટ્રેલિયન બોર્ડે ગોઠવ્યો તખ્તો, AUS બોર્ડે કરી જાહેરાત

• AUS બોર્ડે કરી જાહેરાત
• ભારત-પાક. સાથે ટ્રાઇ સીરિઝ રમવા ઓસ્ટ્રેલિયન બોર્ડે ગોઠવ્યો તખ્તો
• ક્રિકેટ ચાહકો ભારત-પાકિસ્તાનને એક ત્રિકોણીય શ્રેણીમાં રમતા જોઈ શકે છે

AUS બોર્ડે કરી જાહેરાત
ભારત-પાકિસ્તાનના ક્રિકેટ ચાહકો માટે એક સારા સમાચાર છે. શક્યતા છે કે બહુ જલદી ક્રિકેટ ચાહકો ભારત-પાકિસ્તાનને એક ત્રિકોણીય શ્રેણીમાં રમતા જુએ. ક્રિકેટ ઓસ્ટ્રેલિયાના ચીફ નિક હોકલેએ એક પ્રેસ કોન્ફરન્સમાં કહ્યું કે ભારત અને પાકિસ્તાન સાથે ટ્રાઇ સીરિઝ હોસ્ટ કરવા માટે ઓસ્ટ્રેલિયન ક્રિકેટ બોર્ડ તૈયાર છે. હોકલેએ એવું પણ કહ્યું કે અમે આવી સીરિઝની યજમાની કરવા બહુ જ ઉત્સુક છીએ.

ભારત-પાક. સાથે ટ્રાઇ સીરિઝ રમવા ઓસ્ટ્રેલિયન બોર્ડે ગોઠવ્યો તખ્તો
ઉલ્લેખનીય છે કે વર્ષ 2012માં ભારત-પાકિસ્તાન વચ્ચે અંતિમ વાર દ્વિપક્ષી શ્રેણી રમાઈ હતી. એ શ્રેણી ભારતની ધરતી પર રમાઈ હતી. છેલ્લાં ૧૦ વર્ષથી ભારત-પાકિસ્તાનની ટીમ માત્ર આઇસીસી ટ્રોફીમાં જ એકબીજા સામે ટકરાય છે. ક્રિકેટ ચાહકો એશિયા કપ, ટી-૨૦ વર્લ્ડકપ અને વન ડે વર્લ્ડકપમાં આ બંને ટીમનો મુકાબલો જોવા હંમેશાં ઉત્સુક હોય છે.
ભારત અને પાકિસ્તાન વચ્ચેના મુકાબલાની દીવાનગીને જોતાં નિક હોકલેએ કહ્યું, ''વ્યક્તિગત રીતે કહું તો મને ટ્રાઇ સીરિઝનો કોન્સેપ્ટ બહુ જ સારો લાગે છે. આપણે જોયું છે કે એને બહુ જ પસંદ કરવામાં આવે છે. જો ભારત અને પાકિસ્તાન જેવી ટીમ ટ્રાઇ સીરિઝમાં હોય અમે આવી શ્રેણીની યજમાની કરવાનું પસંદ કરીશું. ઓસ્ટ્રેલિયામાં મોટી સંખ્યામાં ભારત-પાકિસ્તાનના લોકો રહે છે. આ એક એવો મુકાબલો છે, જેને બધાં જોવા ઇચ્છે છે. અમે આવી તકોને ઉપલબ્ધ કરાવવામાં મદદ કરી શકીએ તો અમે નિશ્ચિત રીતે એવું કરવા માટે તૈયાર છીએ.''

પહેલા પણ કરવામાં આવ્યો હતો આ પ્રસ્તાવ 
ઉલ્લેખનીય છે કે ગત જાન્યુઆરીમાં પીસીબીના ચેરમેન રમીઝ રાજાએ પણ ભારત, પાકિસ્તાન, ઓસ્ટ્રેલિયા અને ઈંગ્લેન્ડ વચ્ચે એક શ્રેણીનો પ્રસ્તાવ રજૂ કર્યો હતો, જોકે હજુ સુધી એ અંગે વાત આગળ વધી શકી નથી.

ભારત સામે પાકિસ્તાનની હાર  

જ્યારે ભારત અને પાકિસ્તાન વચ્ચે મેચની વાત ચાલી જ રહી છે તો હાલમાં જ મહિલા વર્લ્ડકપમાં ભારતે પાકિસ્તાનને હરાવ્યું હતું. ભરતની દીકરીઓએ એ પાકિસ્તાનને ધૂળ ચટાવી હતી.