અચાનક તમારા હાથમાં ખજાનો લાગી જાય તો કેવું લાગે બસ આવુ જ કંઈક ઉત્તર પ્રદેશના ઔરૈયાના અછલ્દા પોલીસ સ્ટેશનની હદમાં થયું છે. સાજનપુરમાં એવી ઘટના બની કે લોકોના કુતુહલતાનો કોઈ પાર ન રહ્યો. આ ગામની બિન ઉપજાઉ જમીનમાં નાના બાળકો ક્રિકેટ રમી રહ્યા હતા. રમત રમતમાં તેમણે જમીન ખોદતા જે નિકળ્યુ તેનાથી લોકોના હોશ ઉડી ગયા છે.
બાળકોને રમત રમતમાં મળ્યો વારસો
પડતર જમીનમાંથી મળ્યો ચાંદીના સિક્કા ભરેલો ઘડો
30માંથી 27 સિક્કા વિક્ટોરિયા વર્ષના અને 3 સિક્કા 1835 કિંગ વિલિયમ્સ વર્ષના
સોમવારે સાંજ 5 વાગે ગામ તુરુકપુર અને સાજનપુરની વચ્ચે ખાલી પડેલા મેદાનમાં નાના બાળકો ક્રિકેટ રમી રહ્યા હતા. અન્ય બાળકો પણ હતા જે માટી ખોદીને રમી રહ્યા હતા. ત્યારે ઘડો મળતા તેમના હોશ ઉડી ગયા હતા અને તેમણે ગામના લોકોને જાણ કરી હતી.
મનાઈ રહ્યું છે કે નાના બાળકો રમી રહ્યા હતા. તેમણે જમીન ખોદતા એક નાનો ઘડો મળ્યો હતો. જેમાં 30 ચાંદીના સિક્કા હતા. ગામવાસીઓએ પોલીસને જાણ કરતા પોલીસ ત્યાં પહોંચી હતી અને તેમણે સિક્કા કબ્જે લીધા હતા. તેમજ ઔરૈયાના ઉપ જિલ્લાધિકારી રાશિદ અલી તથા સીઓ મકેશ પ્રતાપ સિંહ ત્યાં પહોંચીને આસપાસના ખોદકામ કરાવ્યુ હતુ. જોકે કંઈ મળ્યુ નહોતું.
30 સિક્કામાંથી 27 સિક્કા વિક્ટોરિયા વર્ષના અને 3 સિક્કા 1835 કિંગ વિલિયમ્સ વર્ષના હતા. પોલીસના જણાવ્યાનુંસાર સિક્કા પુરાતત્વ વિભાગને સોંપવામાં આવશે.