ગુજરાતમાં જંગલરાજ? / અમરેલીનો બાપ બોલું છું કોઈના બાપથી ડરતો નથી, પૈસા દેવાના છે 10 લાખ કે પેટ્રોલ પંપ પર ફાયરિંગ કરાવું?

• અમરેલીમાં ખંડણીખોરોને કોનું પીઠબળ?
• પેટ્રોલપંપના માલિકો પાસે માગી 10 લાખની ખંડણી
• અસામાજિક તત્વોએ SPને પણ ફેંક્યો પડકાર 

જે ગુજરાત સરકાર લેન્ડ ગ્રેબિંગ એક્ટ અને ગુજસીટોક જેવા કાયદો લાવીને પોતાને જનતાના રક્ષક ગણાવે છે. તે ગુજરાતની હાલત હવે સુરક્ષિત રહી નથી. તેવું અમરેલીના એક ગુંડાની ઓડિયો ક્લિક સામે આવ્યા બાદ લાગી રહ્યું છે. અમરેલીના એક ગુંડાએ પેટ્રોલ પંપના માલિકને ધમકી આપી છે. ખંડણી માટે કરેલા ફોનમાં આ ગુંડો પોતાનું નામ છત્રપાલ વાળા જણાવી રહ્યો છે. અને પેટ્રોલપંપના સંચાલક હિતેશ ભાઈને બંદૂકની ગોળી મારી ધમકી આપી રહ્યો છે. vtv આ ઓડિયોની કોઈ પુષ્ટી કરતું નથી.

અમરેલીના SP નિર્લિપ્ત રાયના નામનો પણ ઉલ્લેખ

અમરેલીનો આ ખંડણીખોર SP નિલિપ્ત રાયના નામનો પણ ઉલ્લેખ કરી રહ્યો છે. ખંડણીખોરે કહ્યું કે, હું અમરેલીનો કાઠી દરબાર છું. કોઈ મારું કશું ઉખેડી શકશે નહીં. અને જે નિલિપ્ત રાયના દમ પર તમે છો. તે આખી જિંદગી અમરેલીમાં રહેવાના નથી. જો તારે સુરક્ષા જોતી હોય તો, 10 લાખ રૂપિયા પહોંચાડી દેજે.