અમરેલીમાં રૂપિયા 10 લાખની ખંડણીની ધમકીના મામલામાં મોટા સમાચાર સામે આવ્યા છે. ધમકી આપનાર છત્રપાલસિંહ વાળા SOG સમક્ષ હાજર થવા રવાના થયો હોવાની વાત સૂત્રો તરફથી જાણવા મળી છે. SOG અને LCB છત્રપાલસિંહ વાળાને શોધવામાં નિષ્ફળ થઈ હતી. જે બાદ આ સૌથી મહત્વના સમાચાર સામે આવ્યા છે. છત્રપાલસિંહ વાળા સામેથી હાજર થઈ રહ્યો છે તેવું સૂત્ર જણાવી રહ્યા છે. અમરેલીમાં પેટ્રોલ પંપના સંચાલક હિતેશને છત્રપાલસિંહ વાળાએ ધમકી આપી હતી. છત્રપાલસિંહ વાળાએ અમરેલીના SP નિર્લિપ્ત રોયને પણ પડકાર ફેંક્યો હતો.
એક ઓડિયો બાદ સમગ્ર વિવાદ આવ્યો હતો સામે
જે ગુજરાત સરકાર લેન્ડ ગ્રેબિંગ એક્ટ અને ગુજસીટોક જેવા કાયદો લાવીને પોતાને જનતાના રક્ષક ગણાવે છે. તે ગુજરાતની હાલત હવે સુરક્ષિત રહી નથી. તેવું અમરેલીના એક ગુંડાની ઓડિયો ક્લિક સામે આવ્યા બાદ લાગી રહ્યું છે. અમરેલીના એક ગુંડાએ પેટ્રોલ પંપના માલિકને ધમકી આપી છે. ખંડણી માટે કરેલા ફોનમાં આ ગુંડો પોતાનું નામ છત્રપાલ વાળા જણાવી રહ્યો છે. અને પેટ્રોલપંપના સંચાલક હિતેશ ભાઈને બંદૂકની ગોળી મારી ધમકી આપી રહ્યો છે. vtv આ ઓડિયોની કોઈ પુષ્ટી કરતું નથી.
અમરેલીના SP નિર્લિપ્ત રાયના નામનો પણ કર્યો હતો ઉલ્લેખ
અમરેલીમાં એક પેટ્રોલપંપના સંચાલકને ફોન પર ધમકી અને ખંડણીની માગ કરતો ઓડિયો સામે આવ્યો હતો. જેમાં ખંડણીખોર છત્રપાલસિંહ અમરેલીનો આ ખંડણીખોર SP નિલિપ્ત રાયના નામનો પણ ઉલ્લેખ કરી રહ્યો હતો. ખંડણીખોરે કહ્યું કે, હું અમરેલીનો કાઠી દરબાર છું. કોઈ મારું કશું ઉખેડી શકશે નહીં. અને જે નિલિપ્ત રાયના દમ પર તમે છો. તે આખી જિંદગી અમરેલીમાં રહેવાના નથી. જો તારે સુરક્ષા જોતી હોય તો, 10 લાખ રૂપિયા પહોંચાડી દેજે.