ભાજપના કાઉન્સિલર ડી.કે.પટેલે વિધવાને અડપલાં કરતા હોવાની ફરિયાદ નોંધાઈ છે, જે બાદ પાર્ટીએ તેમને સસ્પેન્ડ કરી દીધા છે.
ડી.કે.પટેલની ઓડિયો ક્લીપ
મહિલાની કરી હતી છેડતી
મહિલાએ નોંધાવી ફરિયાદ
અમરેલી સાવરકુંડલા નપાના પૂર્વ પ્રમુખ ડી.કે.પટેલની ઓડિયો ક્લીપ વાયરલ થઈ છે. ભાજપના કાઉન્સિલર ડી.કે.પટેલે વિધવાને અડપલાં કરતા હોવાની ફરિયાદ નોંધાઈ છે. જે બાદ પાર્ટીએ તેમને સસ્પેન્ડ કરી દીધા છે.
લાંચ, કથિત ઓડિયો અને ચૂંટણીમાં બફાટ પછી સસ્પેન્ડ
સાવરકુંડલા પોલીસ મથકમાં આ મામલે ફરિયાદ નોંધાવી હતી. આ પહેલા પણ ડી.કે.પટેલ સામે લાંચ લેવાની ફરિયાદ નોંધાઈ છે. અને તેને લઈને ભાજપે સસ્પેન્ડ કર્યા હતા. ડી.કે. પટેલને લાંચ લેવાના આરોપમાં સસ્પેન્ડ કર્યા હતા. હાલ પોલીસ આરોપી ડી.કે.પટેલની શોધખોળ કરી રહી છે.
ચૂંટણી સમયે વીડિયો અને હવે મહિલા પાસે બિભત્સ માગણીનો ઓડિયો
અમરેલી જિલ્લા ભાજપ પ્રમુખે ડી.કે પટેલને સસ્પેન્ડ તો કરી દીધા છે. પરંતુ ડી.કે પટેલ નામ કોઈ નવું નથી. ચૂંટણી સમયે પણ બફાટ કરતા જોવા મળ્યા હતા. જે બાદ ડી.કે પટેલની એક કથિત ઓડિયો વાયરલ થયો છે. જેમાં મહિલા સાથે અભદ્ર વાતચીત કરી રહ્યા છે.
સ્થાનિક સ્વરાજની ચૂંટણી સમયે પણ ડી.કે પટેલનો એક વીડિયો વાયરલ થયો હતો. ચૂંટણી પ્રચાર દરમિયાન ડી.કે પટેલે કહ્યું કે, મારા વિશે જે લોકો સોશિયલ મીડિયામાં લખે છે તેમની માતા વિશે તપાસ કરો...મહિલાઓ વિશે જાહર મંચ પરથી અભદ્ર ભાષાનો ઉચ્ચાર કરતા ભાજપના આ નેતાને હવે સસ્પેન્ડ કર્યા છે. અમરેલી ભાજપ પ્રમુખ કૌશિક વેકરિયાએ ડી.કે પટેલને સસ્પેન્ડ કર્યા છે. સાથે તમામ જવાબદારીમાંથી મુક્ત કરી દેવાયા છે.