ખુલાસો / ગુજરાતમાં ભાજપના નેતાઓના ઈશારે અધિકારીઓની બદલી? વડગામના TDOની બદલી મુદ્દે ઓડીયો ક્લિપ વાઈરલ

• વડગામના TDOની બદલીનો મામલો
• વડગામ BJP પ્રમુખનો ઓડિયો વાયરલ
• ભાજપ પ્રમુખે TDOની બદલી કરાવ્યાનું કબૂલ્યુ

બનાસકાંઠા જિલ્લામાં વધુ એક ભાજપના નેતા વિવાદમાં સપડાયા છે. વડગામના TDO કે.કે.ચૌધરીની બદલીમાં ભાજપ નેતાનો હાથ હોવાનો ખુલાસો થયો છે. પૂર્વ TDO એ.એસ.પરમાર અને વડગામ ભાજપ પ્રવિણસિંહ રાણા વચ્ચેની વાતચીતનો એક ઓડિયો વાયરલ થયો છે. જેમાં ભાજપ પ્રુમખ દાવો કરી રહ્યાં છે કે, તેમને જ TDOની બદલી કરાવી હતી. પ્રવિણસિંહ રાણાએ પૂર્વ TDO સાથે વાતચીતમાં બદલી કરાવી હોવાની કબૂલાત કરી છે્. પૂર્વ TDOને પ્રવિણસિંહે કહ્યું, સોનાનો સિક્કો સોમનાથ મોકલ્યો છે. મહત્વનું છે કે 8 દિવસ પહેલા જ વડગામના TDO કે.કે.ચૌધરીની બદલી કરાઇ છે. TDOએ ભાજપ પ્રમુખના ગામમાં બાંધકામ મુદ્દે કાર્યવાહી કરી હતી. કાર્યવાહી બદલી કરાવી હોવાની હાલ તો ચર્ચા ચાલી રહી છે.