કકળાટ / કોંગ્રેસના નેતા ઈન્દ્રનીલનો ઓડીયો વાઈરલઃ તમે પદ માટે ના પાડી દેજો, ઉપર તો નાલાયક બેઠા છે

• રાજકોટમાં કોગ્રેસનો જૂથવાદ સામે આવ્યો 
• કોંગ્રેસ નેતા અને રાજકોટ મનપા વિપક્ષ નેતાના પતિનો ઓડિયો 
• ભાનુબેન સોરાણીના પ્રવિણ સોરાણી-ઈન્દ્રનીલ વચ્ચે વાતચીત 

ગુજરાત કોંગ્રેસમાં હજુ પણ આંતરિક કકળાટ યથાવત્ છે. રાજકોટ કોંગ્રેસમાં જૂથવાદ ફરી સામે આવ્યો છે. જેમાં વિપક્ષ નેતાના પતિ અને કોંગ્રેસ નેતા ઇન્દ્રનીલ રાજ્યગુરૂ વચ્ચે બોલાચાલીનો એક ઓડિયો ક્લિપ વાઈરલ થયો છે. બંને વચ્ચેના વિવાદની ઓડિયો ક્લિપ વાયરલ થતાં ખળભળાટ મચ્યો છે. ઓડિયો ક્લિપ બાદ રાજકોટ અને ગુજરાત કોંગ્રેસના નેતાઓમાં અનેક પ્રકારની ચર્ચા શરૂ થઈ છે. આ ઓડિયોમાં રાજકોટ મનપા વિપક્ષ નેતા ભાનુબેન સોરાણીના પતિ પ્રવિણ સોરાણી-ઈન્દ્રનીલ વચ્ચે વાતચીત થઈ રહી છે. 

ઈન્દ્રનીલ રાજ્યગુરુની કથિત ઓડિયો ક્લિપ

રાજકોટ મનપા વિપક્ષ નેતા ભાનુબેન સોરાણીના પતિ પ્રવિણ સોરાણી-ઈન્દ્રનીલ વચ્ચે વાતચીતમાં ઇન્દ્રનીલ રાજ્યગુરુ પ્રવિણને વિપક્ષ નેતા પદ ઠૂકરાવવાની વાત કરે છે. ભાનુબેન વિપક્ષ નેતા બનશે તો કોંગ્રેસ ખતમ થઇ જશે તેવો દાવો ઈન્દ્રનીલ રાજ્યગુરુ કરી રહ્યા છે. ભાનુબેનને બોલતા નથી આવડતું અને વિપક્ષ નેતા બન્યા તેવી પણ ટિપ્પણી કરાઈ રહી છે. અને મહેશ રાજપૂતના કારણે તમને પદ મળ્યું છે. પદ પાછું આપી દો, આને ધમકી પણ ગણી લો તેવી પણ વાત થઈ રહી છે. મહત્વનું છે કે, ભાનુબેનની રાજકોટ મનપામાં વિપક્ષના નેતા પદે વરણી થઈ છે.