હડકંપ / AUDIO: 50માં કાંઈ નો થાય... 5 લાખની વાત છે: રાજકોટના સેટિંગબાજ કૉન્સ્ટેબલની ક્લિપ વાયરલ 

• ક્રાઇમ બ્રાન્ચના કોન્સટેબલે લાંચ માંગી હોવાનો આક્ષેપ 
• બુટલેગરના પિતાને છોડી મુકવા લાખો માંગ્યાનો આક્ષેપ 
• 5 લાખ જેવી રકમ આપવી પડશે તેવી વાત કર્યાનો આક્ષેપ 
• DCP ક્રાઇમ ડો પાર્થરાજ સિંહ ગોહિલને સોંપાઇ તપાસ 

રાજકોટ ક્રાઈમ બ્રાન્ચ ફરી એક વખત વિવાદમાં આવી છે. ક્રાઇમ બ્રાન્ચમાં ફરજ બજાવતા એક કર્મચારીએ વિવાદાસ્પદ બૂટલેગરનો સંપર્ક કરી 5 લાખની ડિમાન્ડ કરી હોવાનો કથિત ઓડિયો હાલ સોશિયલ મીડિયામાં વાયરલ થઈ રહ્યો છે. કથિત ઓડિયો ક્લિપમાં કર્મચારી પોતે ફોનમાં 5 લાખણી માંગી કરી તેમાંથી પૈસા ઉપરી અધિકારીઓને પણ આપવાના હોવાનું સંભળાઈ રહ્યું છે. જેમાં તે કર્મચારી 50માં કાંઈ નો થાય... 5 લાખની વાત છે તેવું બોલતા પણ સંભળાય છે. હાલ તો સમગ્ર કેસની તપાસ ડીસીપી પાર્થરાજસિંહ ગોહિલને સોંપવામાં આવી છે. 

શું છે સમગ્ર ઘટના ? 

પ્રાથમિક વિગતો મુજબ રાજકોટ ડીસીબીમાં ફરજ બજાવતા એક જમાદારે દારૂના દરોડા બાદ ફરાર થઈ ગયેલા બૂટલેગરને પકડવા માટે એક વિવાદાસ્પદ બૂટલેગરનો સંપર્ક કરી રૂપિયા 5 લાખની ડિમાન્ડ કર્યાની ક્લિપ ફરતી થઈ છે. વાતચીતમાં જમાદાર ગોસ્વામી ચોંકાવનારી હકીકત વિવાદાસ્પદ બૂટલેગરને જણાવી રહ્યા હતા અને કહ્યું હતું કે, ‘અમારે ક્રાઈમ બ્રાન્ચના ડીસીપી, એસીપી, બે પીઆઈ, પીએસઆઈ તેમજ સ્ટાફને રૂપિયા આપવાના હોય છે.’

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

ક્લિપ વાયરલ થતાં જ કમિશ્નરે તપાસના આદેશ કર્યા 

રાજકોટ પોલીસના કર્મચારીની ક્લિપ વાયરલ થતાં જ પોલીસ કમિશનર રાજુ ભાર્ગવે તાત્કાલિક પગલું ભર્યું છે. તેમણે મામલાની તપાસ DCP ક્રાઇમ ડૉ. પાર્થરાજસિંહ ગોહિલને સોંપી છે. 

ક્રાઇમ બ્રાન્ચના કોન્સ્ટેબલે લાંચ માંગી હોવાનો આક્ષેપ

ક્રાઇમ બ્રાન્ચના એક કોન્સ્ટેબલે બુટલેગરના પિતાને છોડી મુકવા માટે લાખો માંગ્યાનો આક્ષેપ થતાં હડકંપ મચી ગયો છે. બુટલેગરના મિત્ર સાથે ટેલિફોનિક વાતચીત કરી લાંચ માંગી હોવાનું સામે આવતા  DCPને તપાસ સોંપવામાં આવી છે. વાયરલ ઓડિયોમાં 5 લાખની રકમ આપવી પડશે તેવી વાત કર્યાનો આક્ષેપ થઈ રહ્યો છે.