સંસદ / રાજ્યસભામાં કૃષિ બિલની મહત્વની ચર્ચા વચ્ચે જ 20 મિનિટ માઈક બંધ રહ્યા, આ હતું કારણ

સાંસદોએ ધમાલ મચાવતા માઈક તૂટી ગયું

આ મુદ્દે સેન્ટ્રલ પબ્લિક વર્કસ ડિપાર્ટમેન્ટ (CPWD)એ ખુલાસો આપતા કહ્યું હતું કે દલીલબાજી દરમિયાન કેટલાક સાંસદોએ ધમાલ મચાવતા ચેરમેનની સીટ પાસેનું માઈક તૂટી જતા ઓડિયો ખોરવાઈ ગયો હતો. CPWDએ આ ખુલાસો એક RTIના જવાબમાં આપ્યો હતો.

"ચેરમેન સિવાયનું કોઈ માઈક ઓન ન હોવાથી ઓડિયો આઉટપુટ બંધ થઇ ગયો"

An activist has submitted an RTI application about 'abrupt interruption' in the audio feed of the RS Proceeding on RSTV during consideration of Farmers’ Bills.#RajyaSabha @HardeepSPuri @rajyasabhatv @SaketGokhale pic.twitter.com/fxK5I5HJw9

— CPWD (@CPWDGOV) November 29, 2020

CPWDએ ટ્વીટ કરીને નિવેદન આપતા કહ્યું કે,

"CPWD, જે સંસદની સુવિધાઓ મેઈનટેઈન કરે છે, તે કન્ફર્મ કરે છે કે સંસદનો ઓડિયો ફીડ 20 સપ્ટેમ્બરે બપોરે 1 વાગીને 5 મિનિટથી 1 વાગીને 35 મિનિટ સુધી બંધ થઇ ગયો હતો. આ માટેનું કારણ એવું હતું કે ચેરમેનની સીટ પાસેના માઈકને કેટલાક સાંસદો દ્વારા વિરોધ કરતી વખતે નુકશાન પહોંચાડવામાં આવ્યું હતું.

તે સમયે માનનીય ચેરમેન સિવાયનું કોઈ માઈક ઓન ન હોવાથી ઓડિયો આઉટપુટ બંધ થઇ ગયો હતો. આ ટેક્નિકલ સમસ્યાને ઉકેલતા લગભગ અડધો કલાક જેટલો સમય નીકળી ગયો હતો." 

લોકસભાના રૂમમાં બેઠેલા સાંસદો પણ સાંભળી ન શક્યા

હાલ સંસદમાં કોરોના વાયરસને ઘણા સાંસદોને લોકસભાના હોલમાં બેસાડવામાં આવે છે. તેઓ પણ આ સમય દરમિયાન ચાલતી દલીલો સાંભળી શક્યા નહોતા. નોંધનીય છે કે અત્યારે દિલ્હીની બહાર લાખોની સંખ્યામાં ખેડૂતો કૃષિ કાયદાના વિરોધમાં પ્રદર્શન કરી રહ્યા છે.