Audio: LRD પરીક્ષામાં બારકોડ વિનાની જવાબવહી મામલે થયો ખુલાસો 'સાહેબ સ્ટ્રેસમાં હતા'

અરવલ્લીઃ શરૂઆતથી વિવાદોમાં ઘેરાયેલી LRD પરીક્ષા મામલે વધુ એક વિવાદ સર્જાયો છે. લોકરક્ષક દળ પરીક્ષા મામલે ઓડિયો કલીપ વાયરલ થઈ છે. ઓડિયોમાં વિકાસ સહાયના પી.એ સાથેની વાતચીતની સામે આવી છે. અરવલ્લીના કીર્તિ પટેલે સહાયના પી.એ.સાથે વાત કરી હોવાની ઓડિયો ક્લીપ વાયરલ થઈ છે. કીર્તિ પટેલ અરવલ્લી જિલ્લા પંચાયતના સદસ્ય છે. LRDની પરીક્ષા રદ કરવા અગાઉ CMOમાં રજૂઆત કરી હતી.

6 જાન્યુઆરીએ થયેલી પરીક્ષામાં ક્ષતિઓ અંગે ઓડિયોમાં કબૂલાત કરી છે. 2 ડિસેમ્બરે પરીક્ષા રદ થતા વિકાસ સહાય સ્ટ્રેસમાં હોવાનું તેમના પી.એ કહી રહ્યા છે. 6 જાન્યુઆરીએ ફરીથી લેવાયેલી પરીક્ષા ઉતાવળમાં લેવાઈ હોવાનો પણ વાતમાં ઉલ્લેખ કરાયો છે. ઉતાવળના કારણે જ બારકોડ લગાવવાનું રહી ગયું હોઈ શકે તેમ તેમનુ કહેવું છે.

6 જાન્યુઆરીએ થયેલી પરીક્ષામાં ક્ષતિઓ અંગે કબૂલાત કરી

અત્રે ઉલ્લેખનીય છે કે રાજ્ય પોલીસ દળમાં લોકરક્ષકની ભરતી માટે ર ડિસેમ્બર ર૦૧૮ના રોજ લેખિત પરીક્ષા યોજાવાની હતી. પરંતુ પેપર લીક થવાના કારણે મોકૂફ રાખવામાં આવી હતી. ત્યારબાદ લોકરક્ષકની ભરતીની પરીક્ષા 6 જાન્યુઆરીએ યોજાઇ હતી.