ખળભળાટ / ગુજરાતમાં મગફળીકાંડ બાદ તૂવેરમાં કૌભાંડ, AUDIO ક્લિપ વાયરલ

જૂનાગઢના ખેડૂત હિત રક્ષક સમિતિના ભરત લાડાણીનો ઓડિયો વાયરલ થયો છે. જેમાં કેશોદમાં તૂવેર મામલે નાફેડના અધિકારી સાથે વાતચી કરી રહ્યા છે. ભરત લાડાણી તૂવેરમાં ભ્રષ્ટાચાર અને કૌભાંડના આક્ષેપ કરી રહ્યા છે. 

તો અધિકારી તપાસ કરી દેવાની વાત કરે છે અને ઉડાઉ જવાબ આપતાં ભરત લાડાણીએ ખેડૂતોને એકઠા કરીને આંદોલનની વાત કરી હતી. આ ઓડિયો ક્લીપ હાલ વાયરલ થઈ રહી છે.

ઉલ્લેખનીય છે કે, એક તરફ ખેડૂતોને પાકના પૈસા પુરા આપવામાં નથી આવતા અને બીજી તરફ જે ટેકાના ભાવે ખરીદી કરે છે. તેમાં પણ ખેડૂતોના નામે ભ્રષ્ટાચાર થઈ રહ્યો છે. આવું જ એક કૌભાંડ જૂનાગઢના કેશોદમાં સામે આવ્યું. 

જ્યાં ખેડૂતોના નામે સ્થાનિક અધિકારીઓ અને મજૂરોએ હલકી ગુણવત્તાની ભેળસેળવાળી તુવેર વેંચી હતી. પરંતુ આ સમગ્ર ઘટના અંગે પુરવઠા વિભાગને આશંકા જતા તપાસ હાથ ધરવામાં આવી.

જેમાં સમગ્ર કૌભાંડનો પર્દાફાશ થયો છે. હાલ પુરવઠા વિભાગે સમગ્ર કૌભાંડ મુદ્દે જવાબદારો સામે તપાસ હાથ ધરી છે. જેથી કરીને ખેડૂતોના નામે ચાલતા આ પ્રકારના કૌભાંડને અટકાવી શકે.આ કથિત ક્લિપ મામલે VTV પુષ્ટી કરતું નથી.