કોંગ્રેસના નેતા અને પેટલાદથી ધારાસભ્ય નિરંજન પટેલને કોંગ્રેસના જ કાર્યકર હોવાના દાવા સાથે એક વ્યક્તિએ ફોન કર્યો હતો, ઓડિયો ક્લિપ થઈ વાયરલ
હારનો પ્રશ્ન થતાં બગડ્યા નિરંજન પટેલ
કોંગ્રેસના ધારાસભ્ય નિરંજન પટેલ
પોતાની જ પાર્ટીના કાર્યકરોએ ટોણા માર્યા
જ્યારે વ્યક્તિ હારી જાય ત્યારે તે પોતાના મગજ પરનો કાબૂ ગુમાવી બેસે છે. કદાજ હાલ કોંગ્રેસમાં આવું ચાલી રહ્યું છે. કારણ કે મહાનગર પાલિકા, જિલ્લા પંચાયત, તાલુકા પંચાયત અને નગરપાલિકામાં એવી ઐતિહાસિક હાર કોંગ્રેસને મળી છે. જે વર્ષો વરસ યાદ રાખશે. ત્યારે કોંગ્રેસના જ એક ધારાસભ્ય પોતાના કાર્યકરો સાથે કેવું વર્તન કરે છે તેનો એક બોલતો પુરાવો હાલ વાયરલ થયો છે. કોંગ્રેસના એક ધારાસભ્યને તેમના જ એક કાર્યકરે ફોન કર્યો અને હાર મળી તેના માટે નેતાજીના કેટલાક પ્રશ્નો કર્યા. જે ધારાસભ્ય સાહેબને પસંદ ન આવ્યા.
વર્ષ 2017માં યોજાઈ ત્યારે કોંગ્રેસને જાણે લોટરી લાગી હતી. 31 જિલ્લા પંચાયતોમાંથી 24 પર તેમણે કબજો કરી લીધો હતો. તો અનેક નગરપાલિકા અને તાલુકા પંચાયતમાં પણ પંજાનો જોરદાર પંચ વાગ્યો હતો. પરંતુ 2021ની ચૂંટણીમાં કોંગ્રેસનો કરુણ રકાસ થયો. 31માંથી એક પણ જિલ્લા પંચાયત હાથમાં ન આવી. બધી જગ્યાએ ભગવો લહેરાયો. એટલું જ નહીં મહાનગરપાલિકામાં પણ ક્યાંય મેળ આવ્યો.
તમામ છ મહાનગરપાલિકામાં ભગવો લહેરાયો. હવે આવી સ્થિતિ થાય તો સમજી શકાય કે કોંગ્રેસના નેતાઓ ઘેરા શોકમાં હોય. પરંતુ ઘેરા શોકમાં પોતાના જ કાર્યકરને ગોળો બોલવાની. એ કેટલું યોગ્ય છે?. કોંગ્રેસના નેતા અને પેટલાદથી ધારાસભ્ય નિરંજન પટેલને કોંગ્રેસના કાર્યકર હોવાનો દાવો કરતા એક વ્યક્તિએ ફોન કર્યો, ફોન કરી તેણે ધારાસભ્ય શ્રીને કોંગ્રેસની હાર માટેના કેટલાક પ્રશ્નો કર્યા હતા.