ઓડિયો ક્લીપ / ડાંગના ધારાસભ્ય વિજય પટેલનું ફોન રેકોર્ડીંગ વાયરલ, ઓડિયો ક્લીપમાં ગાળાગાળી બોલતા MLA દોડતા થયા

• ભાજપના ધારાસભ્યની ઓડિયો ક્લીપ વાયરલ 
• ઓડિયા ક્લીપમાં ધારાસભ્યએ ગાળાગાળી કરી 
• સમગ્ર મામલે MLA પોલીસ ફરિયાદ નોંધાવશે

ડાંગમાં ભાજપના ધારાસભ્ય વિજય પેટલની એક ઓડિયો ક્લીપ વાયરલ થઈ છે. જેમા ધારાસભ્ય ફોન પર સામે વ્યક્તિને બરાબરની ગાળો ભાંડી રહ્યા હોવાનું સામે આવ્યું છે. જોકે ફોન પર બંન્ને વચ્ચે બરાબરની ગાળાગાળી થઈ છે. સમગ્ર મામલે એવી માહિતી સામે આવી છે કે  અજાણી વ્યક્તિએ ફોન કરીને ધારાસભ્યને પરેશાન કર્યા હતા. 

અજાણ્યા શખ્સે રાતે 12 વાગ્યે ફોન કર્યો 

રાતના 12 વાગ્યે અજાણ્યા શખ્સે ધારાસભ્યને ફોન કર્યો અને તેમને હેરાન કર્યા હતા. ગામના રોડની ફરિયાદ કરવા તે શખ્સે રૂબરૂમાં કરી હતી. તેમ છતા તેણે ધારાસભ્યને ફોન કર્યો અને હેરાન કર્યા હતા. જોકે તેણે મહિલા સાથે પણ અભદ્ર વાતો કરી હતી. તેવું ક્લીપમાં સ્પષ્ટ પણે સાંભળવામાં આવી રહ્યું છે. 

ધારાસભ્યએ ગુસ્સામાં બેફામ ગાળો બોલી 

સામે જે વ્યક્તિ ફોન પર વાત કરતો હતો તેની વાત કરવાની રીત તદ્દન ઉદ્ધતાઈ ભરી હકી જેના કારણે એક સમય બાદ ધારાસભ્ય અકાળાઈ ગયા હતા. ગુસ્સામાં આવીને ધારાસભ્યએ પણ તે વ્યક્તિને બેફામ ગાળો બોલી હતી. જોકે આ મામલે જેણે ફોન કર્યો હતો તેનામાં કોઈ ફરક ન પડ્યો અને તે પણ ગાળગાળી કરતો રહ્યો હતો. 

રાજકારણમાં ખળભળાટ 

ઉલ્લેખનીય છે કે રાતના 12 વાગ્યે આ રીતે આવેલા ફોનને કારણે ડાંગના રાજકારણમાં ખળભળશાટ મચી ઉઠ્યો છે. સાથેજ આ ઓડિયો ક્લીપ વાયરલ થયા બાદ ધારાસભ્ય પણ દોડતા થઈ ગયા છે અને તેઓ પોલીસમાં ફરિયાદ કરવાની તૈયારીમાં છે.