દાહોદમાં મહિલા ધારાસભ્ય ચંદ્રિકાબેનને અપશબ્દો કહેતો ઓડિયો વાયરલ થયો છે. MLAએ નોંધાવી પોલીસ ફરિયાદ
ગરબાડાના મહિલા MLAને અપશબ્દ કહેતો ઓડિયો વાયરલ
MLAના નામજોગ અપશબ્દો કહ્યા
2 યુવક વચ્ચેની વાતચીત થઇ વાયરલ
એક તરફ રાજ્યમાં નારી સન્માનની વાતો કરવામાં આવે છે તો બીજી તરફ એવી પણ ઘટના સામે આવે છે કે જ્યાં મહિલાઓનું સન્માન જળવાતુ નથી. ત્યારે દાહોદના ગરબાડાના મહિલા ધારાસભ્યને અપશબ્દો કહેતો વીડિયો વાયરલ થયો છે. આ વીડિયોમાં બે યુવકો મહિલા ધારાસભ્ય ચંદ્રિકાબેન બારીયાને અપશબ્દો બોલે છે.
કામ ન આપતા અપશબ્દો કહ્યા
આ ઓડિયો ક્લિપમાં વડવા ગામના પ્રતાપ બિલવાળ નામનો વ્યક્તિ અન્ય એક વ્યક્તિ સાથે વાત કરે છે. ચંદ્રિકાબેન કામ આપતા નથી એમ કહીને વાતચીત દરમિયાન પ્રતાપ અપશબ્દો કહે છે. તો સામેવાળો વ્યક્તિ પણ કહે છે કે હા ગામમાં કોઇને કામ આપતા નથી.
MLAએ નોંધાવી પોલીસ ફરિયાદ
ગરબાડાના મહિલા ધારાસભ્યના નામ જોગ અપશબ્દો બોલતા હોય તેવી એક ઓડિયો ક્લિપ વાયરલ થઇ હતી. આ અંગે ચંદ્રિકાબેનને જાણ થતા તેઓએ ઓડિયો ક્લિપ સાંભળીને પ્રતાપ બિલવાળા સામે ફરિયાદ નોંધાવી છે. ગરબાડાના ધારાસભ્ય ચંદ્રિકાબેન બારિયાએ પોતાની ફરિયાદમાં જણાવ્યુ હતું કે, 30 ડિસેમ્બરના રોજ તેઓ પોતાના ઘરે હતાં ત્યારે તેમના પક્ષના કાર્યકરે ફોન કરીને સોશિયલ મીડીયામાં તેમના નામની અસભ્ય વાતો થતી હોવાની ક્લીપ વાયરલ થઇ હોવાની જાણ કરી હતી. હાલમાં પોલીસે પ્રતાપ બિલવાળા સામે ફરિયાદ નોંધી તપાસ શરૂ કરી છે.