કારણ / 400 km ની માઇલેજ આપશે આ કાર પરંતુ નહીં ખરીદી શકે તમામ લોકો

જાણકારી માટે જણાવી દઇએ કે સપ્ટેમ્બર 2018માં Audi એ પોતાની પહેલી ઇલેક્ટ્રિક કાર E-Tron થી પડદો ઊઠાવ્યો છે. જો કે આવતા વર્ષે 5 માર્ચે આ કાર ભારતીય રસ્તા પર જોવા મળશે. 

લુક્સ અને કિંમત
Audi e-tron જોવામાં ખૂબ જ અગ્રેસિવ છે. એની ડિઝાઇન સ્પોર્ટી છે. એના શાર્પ અને એજી લુક વાળી આ એસયૂવીના ફ્રંટમાં ઑક્ટાગોનલ ગ્રિલ આપવામાં આવી છે. આ ગ્રિલ એક્ટિવ ફ્લેપ્સથી લેસ છે જે હવાને પોતાનામાંથી પાસ થવા દે છે અને ફ્રંટ એક્સેલ મોટરને ઠંડું કરે છે. આ લક્ઝરી સેગમેન્ટમાં આવષે અને એની અંદાજે કિંમત 1.5 કરોડ હોઇ શકે છે. કારણ કે આ પૂરી રીતે બહારથી બનીને આવશે. એટલા માટે એની પર હેવી ઇમ્પોર્ટ ડ્યૂટી લાગશે. એટલે કે આ કાર મેટ્રો સિટીને ટાર્ગેટ કરશે. પરંતુ સામાન્ય જનતાને પહોંચની ખૂબ બહાર હશે. આ એક 5 સીટ SUV છે. 

400 km ની મળશે માઇલેજ
નવી Audi e-tron માં 2 ઇલેક્ટ્રિક મોટર લાગેલી છે. જે એની આગળ અને પાછળની તરફ છે એની ફ્રંટ મોટર 125 kw અને રિયર મોટર 140 kw નો પાવર આપે છે. પરંતુ એનો કુલ કમ્બાઇન્ડ પાવર આઉટપુટ 300 કિલોવોટ (400hp) અને ટાર્ક 664 એનએમ હશે. ફુલ ચાર્જ થવા પર આ 400 km સુધી ચાલી શકે છે.