'ટ્રાફિક નિયમ તોડનાર વ્યક્તિ કોઈ રીઢો ગુનેગાર નથી, એની જોડે માનવતા પૂર્વક જ વ્યવહાર થવો જોઇએ' ગૃહ રાજ્યમંત્રીના નિવેદન સામે રાજકોટમાં ટ્રાફિકકર્મની દાદાગીરી સામે આવી.. આઈકાર્ડ માંગતા મહિલાઓની કાર ટોઈંગ કરાઈ વીડિયો થયો વાયરલ
રાજકોટ પોલીસની જાહેરમાં દાદાગીરી આવી સામે
ગ્રીનલેન્ડ ચોકડી પાસે મહિલા સાથે પોલીસની તુમાખી
મહિલાએ પોલીસનું આઈકાર્ડ માંગતા ગાડી ટોઇંગ કરી
એક તરફ, રાજ્યના રાજ્યના ગૃહમંત્રી હર્ષ સંઘવી કહી રહ્યા છે 'ટ્રાફિક નિયમ તોડનાર વ્યક્તિ કોઈ રીઢો ગુનેગાર નથી, એની જોડે માનવતા પૂર્વક જ વ્યવહાર થવો જોઇએ' તો બીજી તરફ પોલીસ કર્મચારીઓની દાદાગીરી દર્શાવતો એક વીડિયો વાયરલ થયો છે જેમાં એક નાનકડો પ્રશ્ન પૂછાતા ટ્રાફિકકર્મીનો પારો સાતમે આસમાને ચઢી ગયો હતો અને તેમની મહિલાઓ સાથે અછાજતું વર્તન કર્યું હતું..
રાજકોટ પોલીસની જાહેરમાં દાદાગીરી આવી સામે
રાજકોટ પોલીસની જાહેરમાં દાદાગીરી સામે આવી, રાજકોટના ગ્રીનલેન્ડ ચોકડી પાસે મહિલા સાથે પોલીસે તુમાખી ભર્યું વર્તન કર્યું હતું ચાર મહિલાઓ રાજકોટથી અમદાવાદ આવવા પરત ફરી રહી હતી.. એ સમયે ગ્રીન લેન્ડ ચોકડી પાસેના પાણીના ટાંકા પાસે પહોંચતાં ત્યાં ટ્રાફિક-પોલીસ દ્વારા વાહન ચેકિંગ ચાલુ હોવાથી તેમની કાર રોકવામાં આવી હતી અને પીયુસી, ડ્રાઈવિંગ લાઇસન્સ વગેરે દસ્તાવેજો માગવામાં આવ્યા હતા, જેની સામે એક મહિલાએ ટ્રાફિક બ્રાન્ચના કોન્સ્ટેબલ પાસેથી તેનું આઈ-કાર્ડ માગતાં જ ટ્રાફિકકર્મીનો અહમ ઘવાયો હતો અને તેણે કાર ડિટેન કરવાની કાર્યવાહી શરૂ કરી હતી, જેને કારણે બંને પક્ષો વચ્ચે ખાસી રકઝક અને માથાકૂટ થઈ હતી જેની વીડિયો સોશિયલ મીડિયામાં વાયરલ થયો છે.. જે ટ્રાફિક કર્મી દ્વારા કાર્યવાહી કરવામાં આવી તેનું નામ હસમુખ રાઠોડ હોવાનું મનાઈ રહ્યું છે..
રાજકોટમાં ગ્રીનલેન્ડ ચોકડી પાસે મહિલા સાથે પોલીસની તુમાખી
મહિલાઓની કાર ટો કરાઈ જતા મહિલાઓ મુશ્કેલીમાં મુકાઈ ગઈ હતી.. જે બાદ મહિલાઓ ચોધાર આંસુએ રડતી પણ જોવા મળી હતી..આ સમગ્ર ઘટના બાદ રાજકોટ શહેર ડીસીપી ઝોન 1 પ્રવીણકુમાર મીણાએ મીડિયાને નિવેદન આપતાં જણાવ્યું હતું કે ટ્રાફિક પોલીસના વાઇરલ વીડિયો મામલે તપાસ કરવામાં આવશે અને આ સમગ્ર મામલે પોલીસ કોન્સ્ટેબલ સામે ઈન્કવાયરી બેસાડવામાં આવશે. જો કોન્સ્ટેબલનો વાંક હશે તો તેની સામે શિક્ષાત્મક પગલાં લેવામાં આવશે. જે પોલીસ ટ્રાફિક નિયમનું પાલન નહિ કરે તો તેની સામે પણ કડક કાર્યવાહી કરવામાં આવશે..
ચેકિંગ દરમિયાન મહિલાએ પોલીસનું આઈકાર્ડ માંગતા ગાડી ટોઇંગ કરી
મહિલાની કાર જ્યારે ટોઈંગ કરવામાં આવી રહી હતી ત્યારે મહિલાઓ દ્વારા આજીજી કરવામાં આવી કે કારમાં અન્ય મહિલાની માનસિક સ્થિતિ સારી નથી તેમ છતા ટ્રાફિક પોલીસ કારને ટો કરવાનું શરુ કરાયું હતી..તેઓ કારમાંથી બહાર પણ નીકળી નહોતી શકતા..જો કે માનસિક સ્થિતિ ખરાબ જણીતી મહિલા તો એક સમયે કારમાંથી ઊતરીને રોડ પર દોડતી દાવો કરાયો છે.. જો કે મહામહેનતે તેને પરત બોલાવાઈ હતી...સમગ્ર ઘટના ઉગ્ર બનતા અન્ય પોસીઆર વાન અને બીજા પોલીસકર્મીઓ ત્યા આવી પહોંચ્યા હતા...તેઓ ટસના મસ ન થયા હતા..અને અપમાન થયાનું કહીને કોઈપણ સંજોગોમાં કાર ટો કરવાની જીદ પકડી રાખી હતી.
પોલીસનું બિનવ્યવહારુ વલણ કેમ?
બીજી તરફ સામાન્યા નાગરિકો પાસે નિયમોનું પાલન કરાવતી પોલીસ ખૂદ નિયમ ભંગ કરતી હોય તેવું સામે આવ્યું હતું.. એક તબક્કે ત્યાં એકત્રિત થયેલા ટોળાએ પોલીસના તાલિબાની વલણ સામે હુરિયો પણ બોલાવ્યો હતો, જેની સામે પોલીસ લાકડીઓ લઈ ટોળા સામે દોડી હતી. આખરે ટ્રાફિક બ્રાન્ચના પીએસઆઈ જેબલિયા સ્થળ પર પહોંચ્યા હતા અને તેમણે મહિલાઓને સમજાવટ કર્યા બાદ તેમની કાર ટો કરી શીતલ પાર્ક લઈ ગયા હતા, જયાં બાદમાં દંડ વસૂલ કરી એને છોડી મૂકી હતી. આ પ્રકરણમાં ચોંકાવનારી વાત એ છે કે કાયદાકાનૂનના પોતાને જાણકાર ગણાવતા કોન્સ્ટેબલ હસમુખ રાઠોડની મોટરસાઇકલ પર જ નંબર પ્લેટ નહોતી!! પોલીસની આવી દાદાગીરી સામે અનેક સવાલો ઉઠી રહ્યા છે..
પોલીસની કામગીરી સામે સળગતા સવાલો
પોલીસ પાસે પ્રજાએ આઈકાર્જ માગવાનો અધિકારી નથી શુ ? આઇકાર્ડ માગ્યું એટલે શું પ્રજાએ ગુનો કર્યો ? પોલીસ પોતાને ગુરુતાગ્રંથીમાંથી ક્યારે બહાર કાઢશે ? મહિલા સાથે દુવ્યવહાર કરનાર પોલીસ સામે ક્યારે પગલા ભરાશે ? કાયદાના જાણકાર જ નંબર પ્લેટ વગરની મોટરસાઈકલ પર ફરે છે તો તેમની સામે ફરિયાદ ક્યારે નોંધાશે...મહિલા સાથે દુવ્યવહાર કરનાર પોલીસ સામે ક્યારે પગલા ભરાશે ? મહિલા સાથે દુવ્યવહાર કરનાર પોલીસ સામે ક્યારે પગલા ભરાશે ? કોસ્ટેબલ હસમુખ રાઠોડ સામે એકશન કેમ લેવામાં ન આવે ? આવા અનેક સવાલો ઉઠી રહ્યા છે..