આઝાદી દિવસ / પ્રસંગ પ્રમાણે પોશાક : PM મોદીએ પહેરી તિરંગાવાળી પાઘડી, નેવી બ્લૂ જેકેટ બન્યું આકર્ષણનું કેન્દ્ર

• પીએમ મોદીની ડ્રેસિંગ સેન્સનું વધુ એક ઉદાહરણ જોવા મળ્યું 
• સ્વતંત્રતા દિવસે તિરંગાની ભાતવાળી પાઘડી પહેરી પીએમ મોદીએ
• નેવી બ્લૂ જેકેટે બધાનું ધ્યાન ખેંચ્યું 

પીએમ મોદીની ડ્રેસિંગ સેન્સનું વધુ એક ઉદાહરણ જોવા મળ્યું છે. આઝાદી દિવસે પીએમ મોદી તિરંગાવાળી પાઘડી પહેરીને દેશવાસીઓને સંબોધન કર્યું હતું. પીએમ મોદી આ વખતે તિરંગાના રંગે રંગાયેલી પાઘડીમાં જોવા મળ્યાં હતા. એટલું જ નહીં પરંતુ તેમણે પહેરેલા નેવી બ્લૂ જેકેટે પણ બધાનું ધ્યાન ખેંચ્યું હતું. 

રાષ્ટ્રધ્વજના ત્રણ રંગોની સુંદર રંગબેરંગી પાઘડીમાં જોવા મળ્યાં પીએમ મોદી 
ભારતના 75માં સ્વતંત્રતા દિવસના અવસર પર પીએમ મોદી આજે લાલ કિલ્લા પર રાષ્ટ્રધ્વજ ફરકાવવા અને દેશને પોતાનું સંબોધન આપવા માટે પહોંચ્યા હતા. આ દરમિયાન તેઓ રાષ્ટ્રધ્વજના ત્રણ રંગોની સુંદર રંગબેરંગી પાઘડીમાં જોવા મળ્યાં હતા. 

હર ઘર તિરંગા અભિયાન'ની ભાવના દેખાઈ 
આ વર્ષે પીએમ મોદીની 'તિરંગા પાઘડી' કેન્દ્ર સરકારના 'હર ઘર તિરંગા અભિયાન'ની ભાવનાને પ્રદર્શિત કરે છે, જેનો હેતુ લોકોને તેમના ઘરોમાં તિરંગો લગાવવા માટે પ્રોત્સાહિત કરવાનો છે.