ઍલર્ટ / WhatsApp યુઝર્સ સાવધાન! 50 કરોડ લોકોના મોબાઇલ નંબરનું થઇ રહ્યું છે ઓનલાઈન વેચાણ! જો-જો ક્યાંક તમે...

• વોટ્સએપના યુઝર્સના ફોન નંબર વેચાણ માટે મૂકવામાં આવ્યા
• લગભગ 500 મિલિયન યુઝર્સના નંબર વેચાણ માટે ઓનલાઈન મૂક્યા
• 84 જુદા જુદા દેશોના વોટ્સએપ યુઝર્સના મોબાઈલ નંબર

 વોટ્સએપના લગભગ 50 કરોડ યુઝર્સના ફોન નંબર ઓનલાઈન વેચાણ માટે મૂકવામાં આવ્યા છે. આ ઇતિહાસમાં સૌથી મોટા ડેટા ચોરી હોઈ શકે છે. સૂત્રો દ્વારા મળતી માહિતી મુજબ હેકિંગ કોમ્યુનિટી ફોરમ પર એક જાહેરાત પોસ્ટ કરવામાં આવી છે, જેમાં દાવો કરવામાં આવ્યો છે કે લગભગ 500 મિલિયન WhatsApp વપરાશકર્તાઓના મોબાઇલ નંબર વેચાણ માટે ઉપલબ્ધ છે. ડેટાબેઝમાં 84 જુદા જુદા દેશોના વોટ્સએપ યુઝર્સના મોબાઈલ નંબર છે. જેમાં અમેરિકા, બ્રિટન, ઇજિપ્ત, ઇટાલી, સાઉદી અરેબિયા અને ભારતનો સમાવેશ થાય છે.

સાયબર ગુનેગારો મુખ્યત્વે ફિશિંગ હુમલાઓ માટે આ માહિતીનો ઉપયોગ કરે છે. એટલા માટે વોટ્સએપ યુઝર્સને સલાહ આપવામાં આવે છે કે તેઓ અજાણ્યા નંબરોથી આવતા કોલ અને મેસેજથી સાવચેત રહે. હેકિંગ ફોરમ પર એવો દાવો કરવામાં આવ્યો છે કે આ ડેટામાં 32 મિલિયનથી વધુ અમેરિકન યુઝર્સના ફોન નંબર હાજર છે. વપરાશકર્તાઓમાંથી 45 મિલિયન ઇજિપ્તમાં, 35 મિલિયન ઇટાલીમાં, 29 મિલિયન સાઉદી અરેબિયામાં, 20 મિલિયન ફ્રાન્સમાં અને 20 મિલિયન તુર્કીમાં છે. આ ડેટાબેઝમાં રશિયામાં લગભગ 10 મિલિયન વપરાશકર્તાઓ અને બ્રિટનમાં 11 મિલિયનથી વધુ વપરાશકર્તાઓના ફોન નંબર શામેલ છે.

ગુનેગારોએ ડેટાબેઝ કેવી રીતે મેળવ્યો તે સમજાવ્યું નથી
જો કે, વેચનાર દાવો કરે છે કે તમામ નંબરો મેટા-માલિકીના પ્લેટફોર્મના સક્રિય વપરાશકર્તાઓના છે. જ્યારે ગુનેગારોએ ડેટાબેઝ કેવી રીતે મેળવ્યો તે સમજાવ્યું નથી, વિક્રેતા કહે છે કે તેઓએ ડેટા એકત્રિત કરવા માટે તેમની પોતાની યુક્તિઓનો ઉપયોગ કર્યો.

આ પહેલીવાર નથી જ્યારે મેટા અને તેના પ્લેટફોર્મ્સ ડેટાની ચોરીના સમાચાર આવ્યા હોય ત્યારે ગયા વર્ષે, એક ગુનેગાર 500 મિલિયનથી વધુ ફેસબુક વપરાશકર્તાઓની માહિતી મફતમાં ઑનલાઇન ઓફર કરી રહ્યો હતો. તે સમયે લીક થયેલા ડેટામાં ફોન નંબરની સાથે અન્ય વિગતો પણ સામેલ હતી.