આપઘાતનો પ્રયાસ / સુરતમાં AAPની મહિલા કાર્યકરે હાથની નસ કાપતા મચ્યો ખળભળાટ, પાર્ટીનો જ નેતા કરતો હતો પઠાણી ઉઘરાણી

• સુરતમાં APPની મહિલા કાર્યકરનો આપઘાતનો પ્રયાસ 
• પાર્ટીનોજ નેતા કરતા હતો પઠાણી ઉઘરાણી 
• મહિલા હોસ્પિટલમાં સારવાર હેઠળ 

સુરતમાં અવાર નવાર આત્મહત્યાના બનાવો સામે આવતા હોય છે. ત્યારે આ વખતે ફરી વખત અહીયા એક મહિલાએ આપઘાતનો પ્રયાસ કર્યો છે. સાંભળીને આપને નવાઈ લાગશે કે આમ આદમી પાર્ટીના મહિલા કાર્યકર દ્વારા આ આત્મહત્યાનો પ્રયાસ કરવામાં આવ્યો છે. જેનું કારણ જાણીને તમે પણ નવાઈ પામી જશો 

પઠાણી ઉઘરાણીને લઈને આપઘાતનો પ્રયાસ 

મહિલા કાર્યકરનું નામ સપના રાજપૂત હોવાનું સામે આવ્યું છે. તેણે એવા આક્ષેપ કર્યા છે કે એક શખ્સ તેની પાસેથી પઠાણી ઉઘરાણી કરતો હતો. જેથી મહિલાએ કંટાળીને મોતને વ્હાલું કરી લેવાનું વિચાર્યું હતું. 

પાર્ટીનો નેતાજ કરતો હતો પઠાણી ઉઘરાણી 

સાંભળીને આપને નવાઈ લાગશે કે જે શખ્સ મહિલા પાસેથી પઠાણી ઉઘરાણી કરતો હતો તે પાર્ટીનોજ નેતા છે અને તેનું નામ ગૌતમ પટેલ હોવાનું સામે આવ્યું છે. પઠાણી ઉઘરાણીને કારણે મહિલા કંટાળી ગઈ હતી જેથી તેણે આપઘાતનો પ્રયાસ કર્યો જેમા તેણે પોતાના હાથની નસ કાપી કાઢી હતી. જોકે હાલ તે સહિસલામત છે. 

મહિલા હોસ્પિટલમાં સારવાર હેઠળ 

ઉલ્લેખનીય છે કે આપના નેતા ગૌતમ પટેલે મહિલા કાર્યકારના પતિને રૂપિયા આપ્યા હતા. જેના વ્યાજની તે પઠાણી ઉઘરાણી કરતો હતો. જેથી મહિલા કાર્યકર કંટાળી ગઈ હતી. પરિણામે તેણે મોતને વ્હાલું કરી લેવાનું વધારે સારુ લાગ્યું. જોકે તેનો આપઘાત પ્રયાસ નિષ્ફળ નિવડ્યો અને હાલ તે સહી સલામત હોસ્પિટલમાં સારવાર હેઠળ છે.