વોર / ઝેલેન્સ્કીની હત્યાનો 3 વાર પ્રયાસ થયો,રશિયાએ તો નથી જ કર્યો, જાણો કોણે અને કેમ આવું કર્યું

• રશિયા યુક્રેન યુદ્ધ વચ્ચે બ્રિટનના અખબારનો ચોંકાવનારો દાવો
• 1 અઠવાડિયામાં યુક્રેની રાષ્ટ્રપતિ ઝેલેન્સ્કીની હત્યાનો ત્રણ વાર પ્રયાસ થયો 
• રશિયન એજન્સીએ ઝેલેસ્કીની હત્યાનો પ્રયાસ નિષ્ફળ બનાવ્યો હતો

બ્રિટન અને યુક્રેન વચ્ચે ચાલી રહેલા યુદ્ધની વચ્ચે બ્રિટનના એક અખબારે ચોંકાવનારો દાવો કરીને ખળભળાટ મચાવ્યો છે. યુકેના અખબાર ધ ટાઇમ્સના રિપોર્ટ અનુસાર, છેલ્લા એક અઠવાડિયામાં ઝેલેન્સ્કીની હત્યાનો ત્રણ વાર પ્રયાસ થયો હતો પરંતુ રશિયન એજન્સીએ તેમની હત્યાનો પ્લાન નિષ્ફળ બનાવ્યો હતો કારણ કે આવું કરવું યુક્રે સાથેના યુદ્ધની વિરૃદ્ધ છે. 

ઝેલેન્સ્કીની હત્યા કરવા માટે ભાડૂતી સૈનિકોને મોકલાયા હતા 

સમાચાર અનુસાર યુક્રેનના રાષ્ટ્રપતિ વોલોડિમીર ઝેલેન્સ્કીની હત્યા કરવા માટે ભાડૂતી સૈનિકોને મોકલવામાં આવ્યા હતા. આ સભ્યો રશિયા સમર્થિત વાગ્નેર ગ્રૂપ અને ચેચન સ્પેશિયલ ફોર્સના હતા. એવું જણાવવામાં આવ્યું છે કે દર વખતે રશિયન ફેડરલ સિક્યોરિટી બ્યૂરો (એફએસબી)ની મદદથી ઝેલેન્સ્કીની હત્યાના પ્રયાસને નિષ્ફળ બનાવવામાં આવ્યો હતો. એવું કહેવામાં આવ્યું છે કે એફએસબીના કર્મચારીઓ યુક્રેન સાથેના યુદ્ધની વિરુદ્ધ છે.

હત્યાના પ્રયાસ પાછળ કોનો હાથ 
રાષ્ટ્રપતિ ઝેલેન્સ્કીની હત્યાના ત્રણેય પ્રયાસ પાછળ  ક્રેમલિન સમર્થિત વેગનર જૂથનો હાથ હતો. જો તેઓ સફળ થયા હોત અથવા સફળ થયા ન હોત, તો રશિયા હત્યાના કાવતરામાં સીધી રીતે સામેલ થવાનો ઇનકાર કરી શક્યું હોત.એક રાજદ્વારી સૂત્રએ અખબારને જણાવ્યું હતું કે, "તેઓ ત્યાં એક ખૂબ જ હાઇ-પ્રોફાઇલ મિશન સાથે જઇ રહ્યા હતા, જે કેટલાક રશિયનો સ્વીકારવા માંગતા નથી, જેમાં દેશના રાષ્ટ્રપતિનું શિરચ્છેદ કરવાનો પણ સમાવેશ થાય છે.સૂત્રોના જણાવ્યા અનુસાર યુક્રેનની રાજધાની કિવમાં હજુ પણ વાગ્નેર જૂથના 400થી વધુ સભ્યો સક્રિય છે, જેના સભ્યોએ યુક્રેનના 24 અધિકારીઓની હત્યા કરવાની યાદી બનાવી છે, જેથી તેમની હત્યા બાદ યુક્રેનની સરકાર અસ્થાયી બની જાય છે અને પડી જાય છે.

મને મારવા 400 ભાડુતી હત્યારા મોકલાયા હતા-ખુદ ઝેલેન્સ્કીએ દાવો કર્યો હતો
ઉલ્લેખનીય છે કે ખુદ રાષ્ટ્રપતિ ઝેલેન્સ્કીનો દાવો હતો કે તેમને મારી નાખવા માટે 400 હત્યારા મોકલાયા છે અને આ કામ માટે રશિયાએ તેમને મોટું ઈનામ આપવાની જાહેરાત કરી છે. 

પુતિનની હત્યાની થઈ અપીલ
ઉલ્લેખનીય છે કે રાષ્ટ્રપતિ ઝેલેન્સ્કીને હત્યાની કોશિશની સાથે હવે રશિયન રાષ્ટ્રપતિ પુતિનની હત્યાની વકાલત થઈ છે.અમેરિકી સાંસદ લિંડસે ગ્રાહમે એવું જણાવ્યું હતું કે રશિયામાંથી જ કોઈએ પુતિનની હત્યા કરી નાખવી જોઈએ. ત્યારે જ યુદ્ધ રોકાશે.