બાળકોમાં વજન વધવાની સમસ્યા મોટેભાગે 10થી 15 વર્ષની ઉંમરથી જ શરુ થઇ જાય છે. આવા બાળકો મોટા થાય ત્યારે હ્રદય સંબંધિત બિમારીઓ, ડાયાબીટીસ, પીસીઓડી અને હોર્મોનલ સંબંધિત બિમારી થવાની શક્યતાઓ વધી જાય છે.
બાળકોમાં મેદસ્વીતા વધવાની પાછળ મુખ્ય કારણ ખેલકુદમાં ઓછો રસ, ફાસ્ટફુડ અને જંકફુડ ખાવાની આદત છે. બાળકોમાં સામાન્ય રીતે 10થી 15 વર્ષની ઉંમરમાં બોડી ફેટ વધવા લાગે છે. મોટાભાગના બાળકો મોબાઇલ, ટીવી અને વિડિયો ગેમ સાથે સમય વિતાવે છે.
આ કારણે શારિરીક ગતિવિધિ થઇ શકતી નથી. બાળકોની લંબાઇ વધવાનું સમય કરતા પહેલા રોકાઇ જાય છે. ફેટી બાળકોનો શારિરીક અને માનસિક વિકાસ યોગ્ય રીતે થઇ શકતો નથી. આવા બાળકો સીડી ચઢતા પણ હાંફી જાય છે. ખુબ જ જલ્દી થાકી જાય છે. છોકરીઓમાં સમય કરતા પહેલા પિરિયડ શરુ થઇ જાય છે. આવા બાળકો વધુ ભાવુક અને ડિપ્રેસ્ડ હોય છે.
6થી15 વર્ષ સુધી સામાન્ય રીતે બાળકોનું વજન એકથી દોઢ કિલો વધવુ જોઇએ. 30 ટકા બાળકો ફેટી હોવાનું રિઝન બહારનો ખોરાક હોય છે.
શું છે 5-2-1-0 ફોર્મ્યુલા
ફેટી બાળકોને સ્વસ્થ બનાવવા માટે માતા પિતાએ ફાઇવ ટુ ઝીરો ફોર્મ્યુલાનો પ્રયોગ કરવો જોઇએ. તેનાથી બાળક ધીમે ધીમે ફિટ થઇ જશે.
5 સીઝનલ શાકભાજી અને ફળ બાળકોના રોજિંદા ખોરાકમાં સામેલ કરો.
2 કલાકથી વધુ બાળકોને ટીવી કે મોબાઇલનો ઉપયોગ ન કરવા દો
1 કલાકથી વધુ નિયમિત એક્સર્સાઇઝ અને રમવાનુ ફરજિયાત બનાવો
કોઇ પણ પ્રકારના સોફ્ટડ્રિંક્સ બાળકોને પીવા માટે ન આપો.