ભાવનગર / ગઢડા ગોપીનાથજી મંદિરના પૂર્વ ચેરમેન એસ.પી. સ્વામીની કાર પર હુમલો

• એસ.પી સ્વામીની કાર પર હુમલો
• મંદિરથી બોટાદ જવા નીકળ્યા હતા સ્વામી
• ગઢડા પોલીસે નોંધી ફરિયાદ

આ ઘટના અંગે પ્રાપ્ત થતી વિગત અનુસાર, એસ.પી સ્વામી પોતાની  ઇનોવા કાર લઈને મંદિરેથી બોટાદ જવા માટે નીકળ્યા હતા ત્યારે હુમલો થયો હતો. ઇનોવા કારમાં જઈ રહેલા એસ.પી સ્વામી પર ગઢડા મંદિરના મુખ્ય પ્રવેશદ્વાર ખાતે બે શખ્સોએ ગાડી પર લોખંડના પાઇપથી હુમલો કરવામાં આવ્યો હતો. 

આ ઘટનાને લઇને એસ.પી સ્વામી ગઢડા પોલીસ મથકે પહોંચ્યા હતા અને ફરિયાદ નોંધાવી હતી. આ મામલે પોલીસે કાર ચાલકની પૂછપરછ કરતા તેણે જણાવ્યું કે, અજાણ્યા શખ્સો સ્વામીની કારનો પીછો કરી રહ્યા હતા જેમાં પહેલા એક શખ્સે કારના પાછળના કાચ ફોડ્યા હતા ત્યારબાદ કાર ઊભી રખાવવા માટે જોર-જોર રાડો પાડતા હતા. 

નોંધનીય છે કે, ગઢડા પોલીસે આ ઘટના અંગેની ગંભીરતાથી નોંધ લઇને આગળની તપાસ હાથ ધરી છે. જો કે, આ શખ્સો કોણ હતા તે અંગે હજી સુધી કોઇ ચોક્કસ જાણકારી પ્રાપ્ત થઇ શકી નથી.