અરવલ્લીઃ રાજસ્થાન અને ગુજરાતની સરહદે આવેલો આ જીલ્લો છે. જેથી અહીં બુટલેગરો દ્વારા વિદેશી દારૂ ઘુસાડવાનાં અનેક પ્રયાસો કરવામાં આવતાં હોય છે. ત્યારે ગાંધીનગર આર. આર. સેલનાં હેડ કોન્સ્ટેબલ ઇમરાન ખોખર અંતરિયાળ વિસ્તારમાં નાકાબંધી કરી રહ્યાં હતાં. ત્યારે બંને ગાડીઓમાંથી લાકડીઓ અને હોકી લઈને 12થી વધુ શખ્સો નીકળ્યાં હતાં.
જેમાં બુટલેગરો દ્વારા પોલીસ જવાનની ગાડીને તોડી પાડવામાં આવી હતી. પોલીસ જવાનને ગંભીર ઈજાઓ થઇ હતી. બુટલેગરો દ્વારા પોલીસ જવાનને જાનથી મારી નાખવાની પણ કોશિશ કરાઈ હતી. આ ઘટનાનાં પગલે અરવલ્લી જીલ્લામાં પોલીસ વિભાગમાં ભારે સોપો પડી ગયો હતો.
જેમાં 12થી વધુ આરોપીઓ સામે રાયોટીંગ અને જાનથી મારી નાખવાની કોશિશનો ગુનો દાખલ કર્યો હતો. ડોડીસરા ધુલેટા અને બોરનાલા સહીત આ ગામડાનાં વિસ્તારમાં 10 પોલીસ ગાડીઓ અને હથિયારધારી બંદોબસ્ત સાથે આરોપીઓને ઝડપી લેવા કોમ્બિંગ હાથ ધરાયું હતું.
આ ઘટના બાદ દિવસે 100થી વધુ પોલીસનાં કાફલાએ ઘટનાસ્થળે અને આરોપીઓનાં ઘર પર તવાઈ બોલાવી હતી. પોલીસને જ હવે સુરક્ષા આપવાનો સમય આવી ગયો હોય તેવું આ ઘટનાથી સાબિત થઇ રહ્યું છે.