મોટા સમાચાર / શ્રીનગર-જમ્મૂ હાઈવે પર BSFના કાફલા પર આંતકી હુમલો

• કાશ્મીરમાં BSFના જવાનો પર હુમલો 
• શ્રીનગર-જમ્મૂ હાઈવે પર થયો હુમલો 
• આતંકિઓએ જવાનો પર કર્યો ગોળીબાર 

જમ્મૂ કાશ્મીરમાં ફરી આતંકિઓએ સેના પર હુમલો કર્યો છે. BSFના કાફલા પર આતંકીઓ દ્વારા આ હુમલો કરવામાં આવ્યો. જેમા આતંકીઓ અને જવાનો આમને સામને આવી ગયા હતા. જે જગ્યાએ આ હુમલો થયો છે ત્યા ત્રણ આતંકિઓ ફસાયા હોવાની માહિતી સામે આવી છે.

શ્રીનગર જમ્મૂ-હાઈવે પર હુમલો થયો 

આંતકીઓને ઝડપી પાડવા BSFના જવાનોએ ઓપરેશન હાથ ધર્યું હતું. તે સમયે આતંકિઓએ જવાનો પર ગોળીબારી શરૂ કરી દીધી. દક્ષિણ કાશ્મીરના કુલગામ જિલ્લામાં આવેલ માલપોરા વિસ્તાર પાસે શ્રીનગર જમ્મૂ હાઈવે પર આ હુમલો થયો હોવાનું સામે આવ્યું છે. જોકે આ હુમલા બાદ સેના દ્વારા આતંકીઓને હાલ ઘેરી લેવામાં આવ્યા છે. 

ત્રણ આંતકીઓ ફસાયા 

આ હુમલામાં બધાજ BSFના જવાનો સુરક્ષીત છે કોઈને ઈજા નથી પહોચી. જોકે હુમલો કર્યા બાદ ત્રણ આંતકીઓ ત્યા સ્થળ પર ફસાઈ ગયા છે. જેમને સેના શોધી રહી છે. સાથે સેના દ્વારા સર્ચ ઓપરેશન પણ યથાવત રાખવામાં આવ્યું છે. 

CRPFની ટીમ પણ ઘટના સ્થળે 

કાશ્મીરના આજીપી દ્વારા આ હુમલા મામલે માહિતી આપવામાં આવી છે. જેમા તેમણે કહ્યું કે આંતકિઓએ BSFના જવાનો પર હુમલો કર્યો છે. પરંતુ આ હુમલામાં કોઈને ઈજા નથી પહોચી.સાથેજ તેમણે કહ્યું કે સેના દ્વારા આંતકીઓને ઘેરી લેવામાં આવ્યા છે. બંને સામસામે ગોળીબારી કરી રહ્યા છે. ઘટનાને લઈને સ્થાનિક પોલીસ CRPF અને આર્મીના સિનિયર અધિકારીઓ પણ સ્થળ પર પહોચી ગયા છે. 

Terrorists fired upon BSF convoy in Kulgam. No injury reported. However, terrorists trapped. Exchange of Fire is going on. Reinforcement reached. Senior officers of police, CRPF & Army are present at the spot: IGP Kashmir Vijay Kumar to ANI

(File photo) pic.twitter.com/fhrnQXnWvY

— ANI (@ANI) August 12, 2021

2 દિવસ અગાઉ પણ હુમલો થયો હતો

ઉલ્લેખનીય છે કે 2 દિવસ પહેલા પણ આતંકીઓએ CRPFની પાર્ટી પર હુમલો કર્યો હતો. જે હુમલામાં એક જવાન ઘાયલ થયો હતો. આ હુમલો દક્ષિણ કાશ્મીરના શોપિયા જિલ્લામા આવેલ ક્રાલચેક વિસ્તારમાં થયો હતો.