BIG NEWS  / ATSના ખુલાસા: ધનાઢ્ય દીકરા ડ્રગ્સના બદલામાં માણતા શારીરિક સંબંધ, તો મહિલા મામલતદારનું નામ ડ્રગ્સ સેવનમાં

• ઓનલાઈન ડ્રગ્સ કેસમાં ATSનો ખુલાસો
• મામલતદાર પણ ડ્રગ્સ ખરીદતા હોવાનો ખુલાસો
• યુવતિઓ ડ્રગ્સના બદલામાં શારીરિક સંબંધ બંધાવતી

અમદાવાદના વસ્ત્રાપુરમાં ઓનલાઈન ડ્રગ્સ વેચાણનો મામલો સામે આવ્યા બાદ હડકંપ મચી ગયો છે. આ તરફ હવે તપાસમાં અનેક ચોંકાવનારા ખુલાસા થયા છે. ATSની તપાસમાં સૌરાષ્ટ્રની એક મહિલા મામલતદાર પણ ડ્રગ્સ મેળવતી હોવાનું ખૂલ્યું છે. આ સાથે આરોપીઓ રેવ પાર્ટીનું આયોજન પણ કરતા હોવાનુ ખૂલતાં ચકચાર મચી ગઈ છે. 

વસ્ત્રાપુરમાં ઓનલાઈન ડ્રગ્સ વેચાણ કેસમાં ખુલાસાઓ થયા બાદ સામે આવ્યું છે કે, આરોપીઓ અમદાવાદ,વડોદરા,રાજકોટ સહીત અન્ય જગ્યાએ રેવ પાર્ટી કરતાં હતા. ATSની તપાસમાં રાજ્યના 300થી વધુ ધનાઢ્ય પરિવારના સંતાનો કસ્ટમર હોવાનો ચોંકાવનારો ખુલાસો થયો છે. જેમાં મોટાભાગના કસ્ટમર મેડિકલ પ્રોફેશન સાથે જોડાયેલા હોવાનું સામે આવ્યું છે. 

યુવતિઓ ડ્રગ્સના બદલામાં શારીરિક સંબંધ બંધાવતી

વસ્ત્રાપુરમાં ઓનલાઈન ડ્રગ્સકાંડની તપાસમાં એક ચોંકાવનારી વિગત સામે આવી છે. જેમાં આરોપીઓ યુવતીઓને ડ્રગ્સના બદલામાં શારીરિક સંબંધ બંધાવતા હોવાનું સામે આવતા હડકંપ મચી ગયો છે. ATSની તપાસમાં રાજ્યના 300થી વધુ ધનાઢ્ય પરિવારના સંતાનો કસ્ટમર હોવાનો પણ ખુલાસો થયો છે.

તાજેતરમાં જ વસ્ત્રાપુરમાં ઓનલાઈન ડ્રગ્સકાંડ સામે આવ્યો 

અમદાવાદના વસ્ત્રાપુરમાં ડ્રગ્સના વેચાણ માટે ઈ-કોમર્સ કંપની માધ્યમ બની રહી છે. જેને લઈ વસ્ત્રાપુર પોલીસે ડ્રગ્સ કૌભાંડ ઝડપી પાડ્યું છે. વિગતો મુજબ આરોપીઓ કંપની બનાવી ઇ-કોમર્સ કંપનીના માધ્યમથી ડિલીવરી આપતા હતા. પોલીસની પૂછપરછમાં એક જ મહિનામાં 200 ગ્રામ ડ્રગ્સ વેચ્યું હોવાનો ઘટસ્ફોટ થયો છે. જેમાં આકાશ વિઝાંવા, કરણ વાઘ નામના શખ્સો નેટવર્ક ગોઠવી ગત દોઢ વર્ષથી ક્રિષ્ના એન્ટરપ્રાઇઝ નામની કંપની ચલાવતા હોવાનું ખૂલ્યું છે. 

આંગડિયા મારફતે થયું ટ્રાન્ઝેક્શન

ડ્રગ્સ કેસમાં સામે આવેલી વિગતો મુજબ પોલીસ અને ATSની ટીમની તપાસમાં આંગડિયા મારફતે થયેલા ટ્રાન્ઝેક્શનની વિગત ખુલી છે. આ સાથે કરણ નામના વધુ એક આરોપીની સામેલગીરી પણ છતી થઈ છે.