અમદાવાદ / ગુજરાત ATSએ રેડ પાડતા જુહાપુરાના યુવક પાસેથી મળી આવ્યા 139 સિમકાર્ડ, જે કામ કરતો હતો તે જાણીને ચોંકી જશો

• ATSએ ઇન્ટરનેશનલ કોલ સેન્ટર ઝડપ્યું
• અમદાવાદ અને મુંબઈથી આરોપીઓ ઝડપાયા
• VOIP એક્સચેંજ સોફ્ટવેરની મદદથી ગેરકાયદે પ્રવૃતિ

ગુજરાત ATSએ દેશના અર્થતંત્રને નુકસાન પહોંચાડી અને રાષ્ટ્રીય સલામતીને જોખમમાં મૂકી ખોટી રીતે VOIP એક્સચેન્જ ખોલનાર આરોપીની ધરપકડ કરી છે. મહત્વનું છે કે અમદાવાદની સાથો સાથ મુંબઈમાં પણ દરોડા પાડીને 2 લોકોને પકડી સંખ્યાબંધ સિમ કાર્ડ કબ્જે કરવામાં આવ્યા છે.

અમદાવાદના જુહાપુરાથી ઝડપાયેલા આરોપી પાસેથી મળી આવ્યા 139 સિમ કાર્ડ

વિદેશથી આવતા કોલને લોકલ કોલ બનાવીને દેશના અર્થતંત્રને નુકસાન કરનાર ગેંગના સભ્યોની ATS દ્વારા ધરપકડ કરવામાં આવી છે. ATSએ જુહાપુરામાં સકીદ એપાર્ટમેન્ટમાં રેડ પાડીને મોહમદ શાહિદ લિયાક્ત અલીની ધરપકડ કરી તેની પાસેથી 139 સિમ કાર્ડ સહિત લેપટોપ, સિમ્બોક્સ સહિત અન્ય મુદ્દામાલ કબ્જે કરવામાં આવ્યા છે. આરોપીની તપાસમાં મુંબઈમાં પણ દરોડા પાડીને સજ્જાદ સૈયદની ધરપકડ કરીને તેની પાસેથી 115 સિમ કાર્ડ કબ્જે કરવામાં આવ્યા છે.

Voip એક્સચેન્જ સોફ્ટવેરના ઉપયોગથી કરતા હતા ગેરકાયદે પ્રવૃતિ

મળતી માહિતી પ્રમાણે ગલ્ફ દેશોમાંથી ભારતમાં જે કોલ આવતા હોય છે, તેમાં ઈન્ટરનેશનલ ચાર્જ લાગતા હોય છે. પરંતુ બેહરિનમાં રેહતો આરોપી નજીબ તેના સગીરતો અમિત અને સોહેલની મદદથી આ રેકેટ ચલાવતો હતો. નજીબ ત્યાં કોલિંગ કાર્ડ વેંચી દેતો હતો અને ભારતમાં આરોપીઓ VOIP એક્સસચેન્જ ઉભી કરીને dotની ગાઈડ લાઈન વિરુદ્ધમાં ભારતમાં રીસીવરને મોકલી આપી કોલ કરનારની ઓરીજનલ આઇડેન્ટી છુપાવીને આ રેકેટ ચલાવતા હતા. જેમાં ભારતના આરોપીઓને કમિશન મળતું હોવાનું સામે આવ્યું છે. આ સીમકાર્ડની વ્યવસ્થા પૂનામાં રહેતા અમિતે કરી હોવાનું તપાસમાં ખુલ્યું.

નોંધનીય છે કે હાલ આ લોકો છેલ્લા 1 વર્ષથી આ રેકેટ ચલાવતા હોવાનું સામે આવ્યું છે. પરંતુ આ લોકોને અત્યાર સુધીમાં કેટલા રૂપિયા મળ્યા છે અને આ ગેંગનો માસ્ટર માઈન્ડ નજીબ છે કે અન્ય કોઈ તે તમામ દિશામાં તપાસ કરવામાં આવી રહી છે.